ಗುಂಡ್ರುಗೋವಿ

ಅಳ್ಬಿರ್ಯಂಗ್ 
ತಿನ್ಕಂಡ್-ಉಂಡ್ಕಂಡ್
ಹರ್ಳುರ್ದಂಗ್ ಮಾತಾಡ್ಕಂಡ್
ಅಲ್ದಾಡ್ಕಂಡ್ ಕುಣ್ದಾಡ್ಕಂಡ್ 
ಗುಂಡ್ರುಗೋವಿತರ ಇದ್ದೋನು
ದೊಡ್ಡೋನಾಗ್ದೆ ಇದ್ದುದ್ರೆ
ಹಂಗೇ ಇರ್ಬೋದಿತಲ್ವೆನಾ...?
--ಮಯಾಸ

ಪ್ರತೀ ಅಮ್ವಾಸಿಂದ ಹುಣ್ಮಿವರ್ಗೂ ಕಾಯ್ತೀನಿ

ಯಾಕಂಗ್ ಕಾಡ್ತೀ ಮಾರ್ಗಿತ್ತಿ
ನಿನ್ ಗ್ಯಾಪಕಾದಗ್ಯೆಲ್ಲ
ಸಿಡ್ಲೊಡ್ದಂಗ್ ಅತ್ತದೆ..!

ನೀನೊಂತರ ಸ್ವಾನಿ ಮಳಿ
ಬಂದಂಗ್ ಬಂದ್ದಷ್ಟೆ ಗೊತ್ಕನೆ
ಜಡಿಮಳ್ಯಾಗ್ತಿ ಅನ್ಕಂಡಿರ್ಲಿಲ್ಲ..!

ಅಡ್ಡಾದಿಡ್ಡಿ ಬಿಡ್ದಂಗ್ ಹೊಡ್ಯೋ
ಹಸೇನುಸೇನ್ ಮಳ್ಯಂಗೆ
ಮತ್ ಮತ್ ಕಾಡ್ತಿರ್ತಿ..!

ಆಲುದ್ಮರ್ದಡಿ ತಣ್ಣುಗ್ ಬೀಸುತಲ್ಲ
ಆ ಗಾಳ್ಯಂಗೆ, ಯಳೆ ಬಿಸ್ಲಂಗೆ
ತುಂತ್ರು ಮಳನಿಯಂತೋಳು ನೀ..!

ಸೂರ್ಯೂನ್ ಕಿರ್ಣ ಬಿದ್ದಂಗ್
ಇಬ್ನಿ ಕವುಚ್ಕಂಡ್ ಅದ್ಯಾವ್ ಗಳ್ಗೆಲ್
ನಾನಿಂಗ್ ಮರ್ಳಾದ್ನೋ ನಾಕಾಣೆ..!

ಸೂರ್ಯೋಗ್ ಚಂದ್ರುಬರೋದು ತಿಳಿವಲ್ದು
ಕವುಚ್ಕಂಡ್ ಇಬ್ನಿ ಇಳ್ಯಾದು ಅರಿವಲ್ದು
ಒಂತರಾ ಮಂಕ್ ಬೂದಿ ಎರುಚ್ಕಂಡಂಗಾಗೈತಿ ಕನೆ..!

ಕರ್ಗತ್ಲು ಅಮಾಸೆಲೂ ಅಂತ್ರ ನೋಡ್ಕಂಡ್
ಮಿನ್ಗೋ ಚುಕ್ಕಿ ನೋಡ್ಕಂಡ್ ಸಾವ್ದಾನ ಮಾಡ್ಕಂಡ್
ಮತ್ಬರೋ ಹುಣ್ಮಿವರ್ಗೂ ಕಾಯ್ತಾನೆ ಇರ್ತೀನ್ಕಣೆ..!

--ಮಯಾಸ

ಹಂತಿಊಟುಕ್ ಹುಲ್ಕಂತೆ ಅಡ್ರುಸರು

ಬೆಳ್ಕರ್ಯೋ ಮುಂಚ್ಕೆ
ವಸುಕ್ಲು ತೊಳ್ದು ಹಟ್ಟಿಗುಡ್ಸಿ
ಸಗ್ಣಿ ಕದ್ರಿ ಅಂಗ್ಳಸಾರ್ಸಿ
ರಂಗೋಲಿ ಬುಡೋರಲ್ವೆನ..?

ಬಳ್ಪುದ್ಕಲ್ಲಿನ ಪುಡಿ ಎತ್ಕಬಂದ್
ಮುಂದ್ಲಟ್ಟಿಲಿ ಚುಕ್ಕಿ ಇಟ್ಟು
ಗೆರಲ್ಸೇರ್ಸಿ ಚಂದ್ ಚಂದುಕ್
ರಂಗೋಲಿ ಬುಡ್ಸೋರು..!

ಹಬ್ಕೋ-ಜಾತ್ರಿಗೋ
ವಳ್ಳೆದ್ಕೆಟ್ ಕಾರ್ಯುಕ್ಕು
ಮಾವ್ನೆಲೆ ಮುರ್ಕಾಬಂದ್
ತ್ವಾರ್ಣಾ ಕಟ್ಟೋರಲ್ವೆನ...!

ಕಂಬನೆಟ್ ಸೊಪ್ ವಟ್ಮಾಡಿ
ಶಾಮ್ಯಾನ್ಬರ್ಕ್ಮುಂಚ್ ಚಪ್ರಹಾಕರು
ಹಂತಿಊಟುಕ್ ಹುಲ್ಕಂತೆ ಅಡ್ರುಸಿ
ಚಕ್ಳುಬಕ್ಳಾಕ್ ಉಣ್ಣಕ್ಕೂಡಾರಲ್ವೆನ..!

ಒಳ್ಳೆದ್ಕೆಟ್ಟುದ್ ಕಾರ್ಯ ಯಾರ್ಮನೆದಾದ್ರು
ಊರ್ಗೂರೋರೆ ಸೇರ್ ಮಾಡರು
ಒಬ್ರು ಕಷ್ಟಸುಕುಕ್ ಇನ್ನೊಬ್ರು ಕೈಜೋಡ್ಸರು
ಇತ್ತತ್ಲಾಗ್ ಮನ್ಮನೆರು ನೆಂಟ್ರನೆಂಟ್ರೆ ಸೇರದ್ಕಮ್ಮಿ ಅಲ್ವೆನ...?
--ಮಯಾಸ

ಬಲೆ ವಳ್ಗೆ ಹೆಣ್ಗಾಟ

ಹೆಣ್ ಜೇಡ 
ಕಟ್ಟಿದ್ಬಲೆ ವಳ್ಗೆ
ಗಂಡ್ ಜೇಡ 
ಸಿಗಾಕಂಡ್
ನರ್ಳಾಡ್ಕಂಡ್ 
ಆ-ಬಲೆ ವಳ್ಗೆ ಹೆಣ್ಗಾಡುತ್ತೆ
ಆದ್ರಾ...
ಪಿರೂತಿ-ಪಿರೇಮುದ್
ಬಲೆಯ ಯಾರ್ ಕಟ್ಟಿರೂ
ಅದ್ರೊಳ್ಗೇ...ಇಬ್ರೂ
ಜೀವ್ ಇರಾತಂಕ
ಬಿದ್ ವದ್ದಾಡ್ಕಂಡೇ
ಹೆಣ್ಗಾಡ್ಬೇಕು ಅಲ್ಲೆನಾ.....???
-ಮಯಾಸ

ಹಲಸಿಗೆ ಹೊಲ್ಸಿರಲಿಲ್ಲ..

ಚಕ್ಕೋತ ಹಣ್ ಬುಡುಸ್ಕಂಡ್
ವಸಿ ಉಪ್ನು ಕಾರನು ಬೆರ್ಸ್ಕಂಡ್
ತಿನ್ವಾಗ ಹಲ್ ಜುಮ್ ಅನ್ನವು..!

ನಿಂಬೆಗಾತ್ರುದ್ ಕಿತ್ಲೆಹಣ್
ಯಂಡ್ ಹೋಳ್ ಮಾಡಿ ಉಪ್ ಸವ್ರಕಂಡ್
ತಿನ್ವಾಗ ಕಾರ ನತ್ತಿಮ್ಯಾಕ್ ಹೊಡ್ಯದು..!

ದಾರಿಲ್ ಸಿಗ್ತಿದ್ ದಪ್ಪನೆ ನಲ್ಲಿಕಾಯ್
ಬೆಟ್ಟುದಾಗ್ ಸಿಗ್ತಿದ್ ಸಣ್ಣನೆ ನಲ್ಲಿಕಾಯ್
ಹುಳ್ಯಾಗಿದ್ರು ಬುಡ್ತಿರ್ಲಿಲ್ಲ ತಿಂತಲೆ ಇರವಿ...!

ಕಾಡ್ಸೀಬೆ-ಚಂದ್ರಸೀಬೆ, ಹಾಲೆಹಣ್ಣು
ಗೇರ್ ಬೀಜ, ಹತ್ತಿಹಣ್ಣು, ನೇರ್ಲೆಹಣ್ಣು
ಗುಣ್ಕೆಹಣ್ಣು ತಿಂದ್ ಯೋಟ್ ವರ್ಷಾದ್ವು ಅಲ್ಲೆನಾ..?

ಮಾವ್ನಣ್ ತಿನ್ವಾಗ ಗ್ವಾಟೆ ಕಿತ್ತಾಡವಿ
ನೇರ್ಲೆ ಹಣ್ನ್ ಅಂಗುತ್ಕಂಡ್ ಬಾಯ್ಗಾಕಳ್ಳವಿ
ಅಲ್ಲಾಡ್ಸಿರ್ ಸಾಕಿತ್ತು ಹಣ್ ಉದ್ರಾವು ಮರ್ದಿಂದ ಅಲ್ವೆನ...?

ಹಲ್ಸಿಕಾಯ್ಲಿ ಬಕ್ಕೆದಾದ್ರೆ ದ್ವಾರ್ಕಾಯ್ ಹುಡ್ಕವಿ
ಬಿಳ್ವುದಾದ್ರೆ ಹಣ್ ಹುಡ್ಕಂಡ್ ತಿಂದ್ಬುಡವಿ
ಮಣ್ತಿಕ್ಕಿ ಹುರಿತಿದ್ ಹಲ್ಸಿನ್ ಗಾಳು ಯೋನ್ ರುಚ್ಸೋದ್ ಅಲ್ವೇನಾ...?

ಹಲಸಿಗೆ ಹೊಲ್ಸಿರಲಿಲ್ಲ..
ಯಾವ್ಜಾತಿ ಹಣ್ಣಾದ್ರೂ ಎಲ್ಲಾ ಜಾತಿರೂ-
ದರ್ಮುದರೂ ತಿನ್ನರು ಅಲ್ವೆನಾ...???

--ಮಯಾಸ