ಯಾಕಂಗ್ ಕಾಡ್ತೀ ಮಾರ್ಗಿತ್ತಿ
ನಿನ್ ಗ್ಯಾಪಕಾದಗ್ಯೆಲ್ಲ
ಸಿಡ್ಲೊಡ್ದಂಗ್ ಅತ್ತದೆ..!
ನೀನೊಂತರ ಸ್ವಾನಿ ಮಳಿ
ಬಂದಂಗ್ ಬಂದ್ದಷ್ಟೆ ಗೊತ್ಕನೆ
ಜಡಿಮಳ್ಯಾಗ್ತಿ ಅನ್ಕಂಡಿರ್ಲಿಲ್ಲ..!
ಅಡ್ಡಾದಿಡ್ಡಿ ಬಿಡ್ದಂಗ್ ಹೊಡ್ಯೋ
ಹಸೇನುಸೇನ್ ಮಳ್ಯಂಗೆ
ಮತ್ ಮತ್ ಕಾಡ್ತಿರ್ತಿ..!
ಆಲುದ್ಮರ್ದಡಿ ತಣ್ಣುಗ್ ಬೀಸುತಲ್ಲ
ಆ ಗಾಳ್ಯಂಗೆ, ಯಳೆ ಬಿಸ್ಲಂಗೆ
ತುಂತ್ರು ಮಳನಿಯಂತೋಳು ನೀ..!
ಸೂರ್ಯೂನ್ ಕಿರ್ಣ ಬಿದ್ದಂಗ್
ಇಬ್ನಿ ಕವುಚ್ಕಂಡ್ ಅದ್ಯಾವ್ ಗಳ್ಗೆಲ್
ನಾನಿಂಗ್ ಮರ್ಳಾದ್ನೋ ನಾಕಾಣೆ..!
ಸೂರ್ಯೋಗ್ ಚಂದ್ರುಬರೋದು ತಿಳಿವಲ್ದು
ಕವುಚ್ಕಂಡ್ ಇಬ್ನಿ ಇಳ್ಯಾದು ಅರಿವಲ್ದು
ಒಂತರಾ ಮಂಕ್ ಬೂದಿ ಎರುಚ್ಕಂಡಂಗಾಗೈತಿ ಕನೆ..!
ಕರ್ಗತ್ಲು ಅಮಾಸೆಲೂ ಅಂತ್ರ ನೋಡ್ಕಂಡ್
ಮಿನ್ಗೋ ಚುಕ್ಕಿ ನೋಡ್ಕಂಡ್ ಸಾವ್ದಾನ ಮಾಡ್ಕಂಡ್
ಮತ್ಬರೋ ಹುಣ್ಮಿವರ್ಗೂ ಕಾಯ್ತಾನೆ ಇರ್ತೀನ್ಕಣೆ..!
--ಮಯಾಸ
No comments:
Post a Comment