ಅವ್ಳ್ ನನ್ ಮನ್ಸ್ ಕದ್ಕ ಬುಟ್ಲು..!

ರೆಪ್ಪೆಮುಚ್
ತಗ್ಯೋದ್ರೊಳ್ಗೆ
ಹದ್ ಬಂದ್ಕೋಳಿಪಿಳ್ಳೆ
ಕಚ್ಕಂಡ್-ಹ್ವತ್ಕಂಡ್
ಒಡೋದಂಗ್
ಹಿಂಗ್ ನೋಡ್ ಹಂಗ್
ತಿರ್ಗೋದ್ರೊಳ್ಗೆ
ಅವ್ಳ್ ನನ್ ಮನ್ಸ್ ಕದ್ಕ ಬುಟ್ಲು..!
--ಮಯಾಸ

ಕುಕ್ರುಬಡ್ದಿದ್ದೆ

ಹ್ವಸ್ಕನ್ಸ್ಗೆ
ಕುಲಾವಿ
ಹ್ವಲ್ಕಂಡ್
ತಣ್ಣುಗ್
ಕುಕ್ರುಬಡ್ದಿದ್ದೆ

ಇದ್ಕಿದ್ದಂಗೆ
ಮರ್ತೋದ್
ಕನ್ಸೊಂದ್
ರಪ್ಪಂತ್ಬಂಡ್ಬುಡ್ತು

ದಾರ್ದುಂಡೆನೂ
ಚೂಜಿನೂ
ಎತ್ಕಂಡ್
ಪರಾರಿ
ಆಗ್ಬುಡ್ತು..ಕನ..!
-ಮಯಾಸ

ಅಡ್ಡೇಟ್ ಮ್ಯಾಲೆ ಗುಟ್ಟೇಟ್ ಬಿದ್ದಂಗಾಗದು..!

ಹೊತ್ಮುಂಚೆ ಕೋಳ್ ಕೂಗ್ರೆ
ಬೆಳ್ಕಾತು ಅಂತ್ ಗೊತ್ತಾಗದುಕನ....!

ಬೆಳ್ಗಿನ್ ಬಿಸ್ಲು ಹ್ವಸುಕ್ಲು ದಾಟ್ರೆ
ಹತ್ ಗಂಟಾತು ಅನ್ಕಳವಿ ಅಲ್ವೆನಾ..?

ಇದ್ಕಿದ್ದಂಗೆ ನಾಯ್ ಬೊಗ್ಳಿರೆ
ಹೊಸುಬ್ರು ಬತ್ತವ್ರೆ ಅನ್ಂಡ್ಬುಡವಿ...!

ಸೂರಿನ್ ಮ್ಯಾಲೆ ಕಾಗೇನರ ಕೂಗುದ್ರೆ
ನೆಂಟ್ರ್ಯಾರೋ ಬರೋಕವ್ರೆ ಅನ್ಕಳ್ತಿದ್ದಿ..!

ಅದಿದು ಮಾತಾಡ್ವಾಗ ಗೌಳೇನಾರು ಲೊಚ್ಗುಟ್ರೆ
ಸತ್ಯುದ್ ಮಾತಾಡಿದ್ವಿ ಅಂತ್ ಅನ್ಂಡ್ಬಿಡವಲ್ವೆನಾ..?

ಹಿಂಗಾದ್ರಿಂಗ್ ಅಂತೇನಿರ್ತಿರ್ಲಿಲ್ಲ ಆದ್ರೂನು
ಅಡ್ಡೇಟ್ ಮ್ಯಾಲೆ ಗುಟ್ಟೇಟ್ ಬಿದ್ದಂಗಾಗದು..!

ಅನ್ಸಿದ್ಯಲ್ಲನೂ ಅನ್ಕಂಡು ಮನ್ಸಿಗ್ ಬಂದಂಗ್ ಮಾಡ್ಕಂಡ್
ಹಂಗೋ ಹಿಂಗೋ ಹ್ಯಂಗೆಗೋ ಕಾಲದೂಡವಿ...!

ನೋಡ್ ನೋಡ್ತ್ನೆ ಯೋನೋನಾತಲ್ವೆನಾ..?
ಎಚ್ಚ್ರಮಾಡ್ಕೆ ಅಲ್ರಾಂ ಬಂದ್ಬುಡ್ತು..!

ವಾಚ್ಬಂದ್ವು..ಮೊಬೇಲಾಗ್ ಗಂಟ್ಗೊತ್ತಾಗಾಕ್ ಸುರಾತು
ಪೋನನ್ನೋದ್ ಬಂದ್ಮ್ಯಾಕ ಆಗ್ಹೋಗೋದ್ ತಿಳಿತೈತಿ!

ಬಯಸಿದ್ ಕ್ಯೋಳಿರೆ ಮಂತ್ರಮಾಡ್ ಕೊಡ್ತಾರೆ ಅಂತಿದ್ವಲ್ಲ...!
ಕುಂತ್ಕಡಿಕೆ ಬೇಕಾದ್ ಬರಂಗಾತು..ಸಿಗಂಗಾತು ಅಲ್ವೆನಾ..?
-ಮಯಾಸ

ಮೂಗಿಲಿಗೊಂದ್ ಮೂಗ್ದಾರ ಹಾಕಂಡ್ ಎಳ್ದಾಡವಿ...!

ಒಂದ್ ಹಾವ್ರಣೆನೋ..ಹ್ವಾತಿಕ್ಯಾತ್ವೋ
ಕಣ್ಣಿಗ್ಬೀಳದೆ ತಡ..ವಾರ್ಗೆ ಐಕ್ಳೆಲ್ರೂ
ಒಟ್ಟಾಗ್ಸೇರ್ಕಂಡ್ ಕೀಟ್ಲೆ ಮಾಡವಿ...!

ಅಡ್ಕೆಉಳ ಅಂಬ್ಳಾಡ್ಕಂಡ್ ಹೋತಿದ್ರೆ
ಮುಟ್ಟಿರೆ ಯೋಟ್ ಚಂದುಕಾಣದು 
ಅದ್ ಮುದ್ರುಕಂಡ್ರೆ ಅರ್ದ ಅಡ್ಕೆ ಕಂಡಂಕಾಣದು..!

ಯಣಿಸಕ್ಕಾಗುದಷ್ಟ್ ಕಾಲಿರ್ತಿದ್
ಸಾವುರ್ಕಾಲ್ ಚ್ಯೋಳು ಬಳಿಕಂಡ್ ನಡ್ಯೋದು
ಯಾರ್ಕೈಲಾದ್ರು ಚೋಳ್ಕಂಡ್ರೆ ಪದ್ರುಗುಟ್ಹೋಗವಿ..!

ಕ್ವಾಟ್ಲೆ ಮಾಡೋರ್ ಮೈಮ್ಯಾಕೆ ಚ್ಯೋಳ್ಬಿಟ್ ತಮಾಷೆ ನೋಡವಿ
ತುಂಟಾಟ ಮಾಡೋರ್ಗೆ ತುರ್ಕೆಸ್ವಪ್ ತಿಕ್ಕೋಡಗವಿ
ಮುಟ್ರುಮುನ್ಯ ಸೊಪ್ಕಂಡ್ರೆ ಮುಟ್ಮುದ್ರುಸವಿ....!

ಇಸ್ಕೂಲ್ಗೂ ಜಾಮಿಟ್ರಿಬಾಕ್ಷಲ್ಲಿ ಜೀರುಂಡೆ ತಗಂಡೋಗವಿ
ಯಾವ್ ಪುಸ್ಕ ತೆಗ್ದ್ರೂ ನವಿಲ್ಗರಿ ಮಡಿಕಂಡಿರವಿ
ಕೈಗ್ಸಿಗ್ದಿರ ಹರ್ಪುಳ ಹಿಡ್ಯಕ್ ಹರ್ಸಾಹ್ಸ ಪಡವಿ...!

ಜೀಡುದ್ಬಲೆ ಕಂಡ್ರೆ ಕೆಡ್ಸ್ಬಿಡವಿ
ನೆಲಗೆಬ್ರಿ ಯರುಳ ಯತ್ಕಂಡ್ ಗಾಣುಕ್ಸಿಕ್ಕಂಡ್
ಕ್ಯರೆಗೋ..ಕವ್ಲಿಗೋ..ಹ್ವಳೆಗೋಗಿ ಮೀನಿಡ್ಯವಿ..!

ಚಾಟಿಬಿಲ್ಗೆ ಕಲ್ ಸಿಗುಸ್ಕಂಡ್ ಹಾರಾಡೋ ಹಕ್ಕಿಗ್ ಗುರಿ ಹಿಡ್ಯವಿ
ಆಳೆತ್ರುದ್ ಗೆರಿಂದ ಆಳುದ್ನೀರ್ಗೆ ಜಿಗ್ದು ಈಜೊಡ್ಯವಿ
ಮೂಗಿಲಿಗೊಂದ್ ಮೂಗ್ದಾರ ಹಾಕಂಡ್ ಎಳ್ದಾಡವಿ...!

ಅಡ್ವಿ ಮಡ್ಲಲ್ ಮನ್ಸಿಗ್ಬಂದಗೆಲ್ಲ ನಲ್ದಾಡೋವಿ
ಆಡ್ದಾಟಿಲ್ಲ..ಮಾಡುದ್ ಚೇಷ್ಟಿಲ್ಲ..ಇವ್ಯೊಲ್ಲ ನೆನ್ಪಾದ್ರ
ಯಾಕ್ದೊಡ್ಡರಾದ್ವಿಅಂತನ್ಸುತ್ ಅಲ್ವೆನಾ....?
--ಮಯಾಸ

ಉಪ್ಕಡ್ಲೆ-ಅಜ್ಜಿಕೂದ್ಲು, ಬೊಂಬೆ ಮಿಠಾಯ್-ಐಸ್ಕ್ಯಾಂಡಿ

ಪೋಂ ಪೋಂ ಹಾರ್ನು ಹೊಡ್ಕಂಡ್
ಹ್ವಾತುದ್ ಗಡ್ಡುದ್ ಸಾಬ್ರು ಸೈಕಲ್ ಬಂತಂದ್ರೆ
ಆಡ್ತಿದ್ ಆಟನೂ ಬುಟ್ ಒಡೋಗವಿ....!

ಬ್ಯೋಲಿಅಡೆ, ಅಟ್ಟುದ್ ಮ್ಯಾಗೆ
ಹಿತ್ಲಾಗೆ...ಕೊಟ್ಗೆವಳ್ಗೆ ತಡ್ಕಾಡ್ಬುಡವಿ
ಕಣ್ಣಿಗ್ ಕಾಣ್ದಂಗ್ ಬಚ್ಚಿಟ್ಟಿದ್ರು ಹುಡುಕ್ಬುಡವಿ ಅಲ್ವೆನಾ...?

ಕಾಲಿಬಾಟ್ಲು-ತುಕ್ಕಿಡ್ದ ತಗ್ಡು, ವಡುಕ್ಲು ಪಿಲಾಸ್ಟಿಕ್-ಕಬ್ಣ
ಕೈಸಿಕ್ಕಿದ್ ಯೋನಾರೊಂದ್ ಕೊಟ್ರೆ
ಉಪ್ಕಡ್ಲೆ-ಅಜ್ಜಿಕೂದ್ಲು, ಬೊಂಬೆ ಮಿಠಾಯ್-ಐಸ್ಕ್ಯಾಂಡಿ ಸಿಗಾದು..!

ಉದುರಿದ ತಲಿಕೂದ್ಲ ಸೂರಿಗೆ ಸಿಗ್ಸಿಟ್ಟು
ಚವ್ಲಿ ಮಾಡಿಸ್ಕೊಳ್ಲೋರು ಅಜ್ಜೀರು
ಕೂಡಿಟ್ಟ ಕೂದ್ಲು ಕ್ವಟ್ರೆ ಬಾಚಣ್ಗೆ ಕ್ವಡಾರು...!

ಯೋನ್ಮಜಿತ್ತಲ್ಲೆನ ಅವಾಗ್ಲೆಲ್ಲ
ಲಾರೋ..ಬಸ್ಸೋ ಮನಿ ಮುಂದ್ ಸಬ್ದ ಮಾಡಿರೆ
ಜಗ್ಲಿ ಮ್ಯಾಕ್ ವೋಡ್ಬಂದ್ ನೋಡ್ತಾ ನಿಲ್ಲೊವಿ...!

ಕಾಕಿ ಬಟ್ಟೆ ತೊಟ್ಕಂಡ್, ಟೊಪ್ಪಿ ಹಾಕಂಡ್
ಲಾಟಿ ಹಿಡ್ಕಂಡ್, ಕಪ್ಪನೆ ಬಾರುದ್ಬೂಟಾಕಂಡ್
ಪೋಲಿಸ್ನೋರ್ ನಡಿಕಂಡ್ ಬಂದ್ರೆ ಅವುತ್ಕಳ್ಳವಿ...!

ಹಳಿಮ್ಯಾಲೋಗೋ ಚುಕುಬುಕು ರೈಲ್ಕಂಡ್ರೆ
ಆಕಾಸ್ದಲ್ ಹಕ್ಕಿಯಂಗ್ ಇಮಾನ ಹಾರ್ಬಂದ್ರೆ
ಬೆಪ್ಪರ ಬೆರ್ಗಾಗಿ ಟಾಟಮಾಡಿ ನೋಡ್ಕಳ್ದೋಗವಲ್ವೆನಾ...?

ಸೂಟು ಬೂಟು ಹಾಕ್ದೋರ್ಕಂಡ್ರೆ ಪಾರಿನರನ್ಕಳವಿ
ಸುಮ್ ಸುಮ್ಕೆ ಅವ್ರಿಂದೆಮುಂದೆ ತಿರ್ಗಾವಿ
ಯಾರ್ಮನಿಗಾರು ರೇಡ್ಯೋ ತಕ್ಕಬಂದ್ರೆ ದೊಡ್ವಿಷ್ಯಲ್ಲೆನ...?
-ಮಯಾಸ

ಹಗ್ಲೊತ್ತೆ ಬದ್ಕಿಗೆ ಕತ್ಲು ಕವುಚ್ಕಂಡೈತಲ್ವೆನಾ...?

ತಿಂಗ್ಳುಬೆಳ್ಕಿರ್ದಿದ್ರೆ
ಕತ್ಲು ಕವ್ಕಂಡಿದ್ರೆ
ಹ್ವಂತೆಕಡ್ಡಿ ಹಚ್ಕಂಡ್
ಹಿಡ್ಕಂಡ್ ನಡ್ಯೋವಿ

ಕಾಡ್ಸವ್ರಕೆ ಸೊಂಟ್ದಲ್ಲೊಂದ್
ಕುಡ್ಗೋಲಿರದು
ಕರ್ಗತ್ಲೆಲೂ
ಒಂತರುದ್ ದೈರ್ಯಕ್ವಡದು..!

ಸಣ್ ಮಿಣ್ಕುಳ ಹಿಂಗ್ ಮಿಂಚ್
ಹಂಗ್ ಮಾಯ್ವಾದ್ರು
ನಡ್ಯೋದಾರಿ ಕಾಣ್ತೋಗದು,
ದಾರ್ಸಾಗಿದ್ ಗೊತ್ತಾತಿರ್ಲಿಲ್ಲ..!

ಹರ್ಯೋನೀರ್ ತಡ್ಗಟ್ಟಿ
ಕರೆಂಟ್ ಕಂಡಿಡುದ್ರು
ಜನ್ರೇಟ್ರು ಬಂದ್ವು..ಟಾರ್ಚು ಬಂದ್ವು
ಕೈಯಾಗಿನ್ ಮೊಬೈಲಾಗ ಬೆಳ್ಕ್ಬರಾಕ್ ಸುರಾತು..!

ಯೋನ್ ಬಂದ್ರೇನ...?
ಕತ್ಲು ನಡ್ವೆ ಬೆಳುಕ್ ಬಂತಷ್ಟೆಯ
ಯೋಟ್ ಬೆಳ್ಕಿದ್ರು ದಿಕ್ತೋಚ್ದಂಗಾಗೈತಲ್ವೆನಾ
ಹಗ್ಲೊತ್ತೆ ಬದ್ಕಿಗೆ ಕತ್ಲು ಕವುಚ್ಕಂಡೈತಲ್ವೆನಾ...?
--ಮಯಾಸ

ಕನ್ಸು- ಗಟ್ಮುಟ್ಟಾಗ್ತವೆ ಕನ..!

ಕನ್ಸುಗಳ
ನೀ-
ಚೂರ್ಚೂರ್ರ್ಮಾಡುದ್ರೂ
ನಾ-ಚೂರೊಟ್ಮಾಡಿ
ಕನ್ಸುಗಳ-ಒಟ್ಮಾಡ್ತೀನಿ
ನೀ-ಚೂರ್ಮಾಡ್ದಷ್ಟು
ಜೋಡ್ಸ್-ಜೋಡ್ಸ್ದಂಗೆ
ಕನ್ಸು- ಗಟ್ಮುಟ್ಟಾಗ್ತವೆ ಕನ..!
--ಮಯಾಸ

ಲಾಲಿಹಾಡು
ಸೋಬಾನೆಪದ
ಕೋಲಾಟುದಾಡು
ಗೀಗಿಪದ
ಬೀಸೋಪದ
ಹಿಂಗ....
ಜನ್ಪದಗಳ್
ಜನುರ್ಮದ್ಯೆ
ಇದ್ದಿದ್ರ
ಪಾಪ್ಸಾಂಗು
ರಾಕ್ಸಾಂಗುಗಳು
ಎಲ್ಲಿರ್ತಿದ್ವಾ...?
-ಮಯಾಸ


ಅಮ್ವಾಸೆ
ಹುಣ್ಮಿಗಾರು
ಕಣ್ಣಿಗಾಣ್ತಿದ್ನೀ
ಕಣ್ಮುಚ್ಕಂಡ್ಮ್ಯಾಕೆ
ಕಣ್ಬಿಡಕ್ಕೆ-ಆತಿಲ್ಲಕನ
ಕಣ್ಮುಚ್ಕಂಡ್ರ
ನಿದ್ಬರಾಕಿಲ್ಲ
ಕಣ್ಬಿಟ್ರ-
ನೀ-ಕಾಣಕಿಲ್ಲ...!
-ಮಯಾಸ

ಏಳ್ ಬೀಳ್ ಕಾಣ್ದಂಗೆ ಬಾಳಕ್ಕಾತದೆನಾ...?

ಹಡ್ಲೊಡಿವಾಗ ಬರುಲ್ಮೇಲೆ
ಪಲ್ಟಿ ಹೊಡುದ್ರೆ
ಮೈಕೈಯೆಲ್ಲ ಉರ್ದೋಗದು..!

ಮರ್ಕೋತಿ ಆಟಾಡ್ವಾಗ
ಸ್ವಲ್ಪ ಯಾಮಾರಿರೂ
ಮೂಳ್ಮೂರ್ಚೂರಾಗವು,,,!

ಹುಲ್ಲಿನ್ ಕೊಡ್ಬೆಗಳೇ
ಜಾರೋ ಬಂಡೆಗಳಾಗಿದ್ವು
ಹುಲ್ಕಂತೆನಡ್ವೆ ಅವುಚ್ಕೋತಿದ್ವಿ ಅಲ್ವೆನಾ..?

ನಾವ್ ಅಟಾಡಾಗ
ದೇಹೂ ದಣ್ಯದು
ಮನ್ಸು ಚುರ್ಕಾಗೋದು ಕನ..!

ಯುವಾಗಿನ್ ಐಕ್ಳು
ಬಿಟ್ಕಣ್ ಬುಟ್ಕಂಡೇ
ಪೋಗೋ ನೋಡ್ಕಂಡ್ ಕುಂತಲ್ಲೇ ಕುಕ್ರುಬಡಿತ್ವೆ...!

ವರ್ಸ್ಮೋರ್ ದಾಟಂಗಿಲ್ಲ
ಕಣ್ಣಿಗಾಜ್ ಸಿಗುಸ್ಗಾತವೆ
ಏಳ್ ಬೀಳ್ ಕಾಣ್ದಂಗೆ ಬಾಳಕ್ಕಾತದೆನಾ...?

ಮಾತ್ಬರಕ್ಕಿಂತ್ಮುಂಚೆನೇ
ಮೊಬೆಲಾಗ್ ಮಾತಾಡಕ್ ಸುರಾತವೆ
ರಿಮೋಟು-ಮೌಸ್ ಹಿಡ್ಕಂಡೆ ಅಟಾಡ್ತವಲ್ವೆನಾ..?
--ಮಯಾಸ

ತಗ್ಗಿಬಗ್ಗಿ ನಡ್ಯೋದ್ ರಕ್ತುದಲ್ಲೇ ಬಂದಿರ್ತಿತ್ತಲ್ವೇನಾ?

ವ್ಯವಸಾಯುಕ್ ಬಳುಸ್ತಿದ್
ಯತ್ತೋ..ಹಾಲ್ಕೊಡೋ ಹಸ್ವೋ ಸತ್ತೋದ್ರೆ
ಚೌಡಿಗ್ಬುಟ್ ಕೋಳಿನ
ಹದ್ದೊತ್ಕೋದ್ರೆ ಕಂಗಾಲಾಗ್ಬುಡವಿ..!
ಊರೆಲ್ಲ ಸುತ್ತೊಡ್ಯೋ
ನಾಯ್ ಕಳ್ದೋದ್ರೆ
ಉಸ್ರಾಡೋಗೆಲ್ಲ
ಸಂಕ್ಟಾಗ್ಬುಡದು ಕನ..!

ಉಣ್ಣಕ್ಕಿಂತ ಮುಂಚ್ಕೆ
ನಾಯಿಗ್ ಮುದ್ದೆ ಕಟ್ಟಿಡವಿ
ಸಂಕ್ರಾತಿಲಿ ದನ್ಕರಿಗೆ
ಸಿಂಗಾರಮಾಡ್ ಕುಸಿಪಡ್ತಿದ್ವಿ..!

ವರ್ಸುಕ್ಕೊಂದ್ಸಲನಾದ್ರು
ಅಡ್ವಿತಾಯಿಗ್ ಅಡ್ಬೀಳವಿ
ಬದ್ಕೀಗ್ಬಳ್ಸೋದೆಲ್ಲನೂ
ನೆನಿದೇಯುರವೆನಾ...?

ಊರಾಗ್ ಯಾರ್ಸತ್ರು
ಯಾರುಟ್ರು ಗೊತ್ತಾಗದಲ್ವೆನ
ನೆರಿಹೊರೆರ್ ನೆಚ್ನಡ್ಯವಿ
ನಾಕ್ಮಂದಿ ಮೆಚ್ಚಂಗ್ ಬಾಳ್ಬದ್ಕವಿ..!

ಸಂಕ್ಟಬಂದಾಗ್ ವೆಂಕ್ಟ್ರಮಣ
ಅಂತೆಲ್ಲನ್ನವೋ ಮಾರಾಯ
ನೆನ್ನಿ ನೆನ್ಪಿಟ್ಕಂಡ್ ನಾಳಿ ಬಯ್ದೋಲೆ
ಕಾಲದೂಡೋವಿ ಅಲ್ವೇನಾ..?

ಅಜ್ಜ-ಅಪ್ಪುನ್ಕಾಲ್ದಾಗ ವಯ್ಸಿಗೂ ಬೆಲಿತ್ತು
ಬುದ್ದಿಗೂ ಬೆಲಿತಲ್ವೆನಾ
ಹಿರಿಕ್ರು ಮಾತ್ಗೆ ಎದ್ರಾಡ್ತಿರ್ಲಿಲ್ಲ
ತಗ್ಗಿಬಗ್ಗಿ ನಡ್ಯೋದ್ ರಕ್ತುದಲ್ಲೇ ಬಂದಿರ್ತಿತ್ತಲ್ವೇನಾ?

ಆಡಮಾತ್ಗೆ-ಮಾಡೋ ಕೇಮ್ಗೆ
ಅವಾಗ್ಲೆಲ್ಲ ಯೋಟ್ ಬೆಲಿತ್ತು
ಇತ್ತಿತ್ಲಾಗೆ ನೊಚ್ಚುಗ್ಮಾತಾಡಿ
ಮರುಳ್ಮಾಡರೆ ಕಾಣಕತ್ತಾರೆ ಅಲ್ಲೇನ..?
--ಮಯಾಸ

ಚ್ವಳಿಗೆ ಬರ್ಗಾಪಿ-ಬೇಸ್ಗಿಗೆ ನೀರ್ಮಜ್ಗೆ-ಮಳೇಲ್ ಬಿಸ್ನೀರು...!

ನನ್ನಜ್ಜಿ ನನ್ನವ್ವ ಗಂಟುಕಟ್ಟಿ ಕಟ್ಟುಗೆ ಮಾಡುತಿದ್ದ
ಕೆಸಿನ್ ಗಂಟಿನ್ ಪಲ್ಯದ ಘಾಟು ಕಾಡಾಕತೈತಿ
ಬಕ್ಕೆ ಹಲಸಿನಣ್ಣಲ್ಲಿ ಮಸ್ದು ಮಾಡ್ತಿದ್
ಹಲ್ಸಿನಣ್ಣಿನ್ ದ್ವಾಸೆ ತಿನ್ನೋಕ್ ಆಸಾಗೈತಿ ಕನ.. !

ಕಡುಡ್ ಹಿಟ್ಟಿಗೆ ಕಾಯ್ತುರ್ದಾಕಿ
ಹಬೇಲ್ ಬೇಯ್ಸಿ ಮಾಡ್ತಿದ್ ಕಾಯಿಟ್ಟು
ತಂಪಾಗ್ಲಂತ್ ಕೊಡ್ತಿದ್ ಮೆಂತ್ಯದಿಟ್ಟು
ಎರೆಹುಳ್ದಂಗ್ ಕಾಣ್ತಿದ್ ಸಾವ್ಗೆ ರುಚಿ ಮರ್ಯಾಕಾತದೇನ..?

ಕಳುಲೆ ಪಲ್ಯ...ಕೈ ರೊಟ್ಟಿ
ಅಣ್ಬೆ ಯಸ್ರು..ನೀರ್ಕಡ್ಬು
ಹಾಲೇಡಿಗೊಜ್ಜು..ಕಲ್ಲೇಡಿಕೊಂಬು
ಬೇಸ್ಗೆ ಕಾಲ್ದಲ್ ಕುಡಿತಿದ್ ರಾಗಂಬ್ಲಿ
ನಾಲ್ಗಿಗೂ ರುಚ್ಸೋದು ದೇಹ್ಕೂ ವಳ್ಳೇದಲ್ವೇನಾ...?

ಹಸು ಕರಹಾಕಿದ್ಗೂಡ್ಲೆ ಜೀಬ್ ಹಾಲಲ್
ಮಾಡ್ತಿದ್ ಗಿಣ್ಣ -ಕಾಯ್ಗಿಣ್ಣ
ಕುಸ್ಲಕ್ಕಿಲ್ ಮಾಡ್ತಿದ್ ಬೇಯ್ಸ್ಲಕ್ಕಿ
ಬಾಳೆಹಣ್ಣಿನ್ ಗಾರ್ಗೆ-ಅರ್ಸುಣುದ್ ಯಲಿಟ್ಟು
ಊರ್ಲುಗಡ್ಬು-ಕೈಯಿಟ್ಟು ತಿಂದ್ ವರ್ಷೊಂಬತ್ತಾದ್ವು ಕನ..!

ಅಕ್ಕಿಹಿಟ್ಟೋ-ರಾಗಿಹಿಟ್ಗೋ, ಗೋದಿಹಿಟ್ಗೋ-ಜ್ವಾಳುದಿಟ್ಗೋ
ಕಲ್ಸೋವಾಗೊಂದಿಷ್ಟ್ ಉಪ್ಪುನೀರಾಕಿ
ದ್ವಾಸೆ ಹಂಚಲ್ಲಿ ಸೊಂಯ್ ಅನ್ಸಿರೆ ಓಡ್ದೋಸಾಗದು
ಜತಿಗೊಂದಿಷ್ಟ್ ಬಡ್ಕಿನ್ ಪಲ್ಯ ಇದ್ರೆ ಅದ್ರು ಮಜಾನೆಬೇರಿತ್ತು
ಚ್ವಳಿಗೆ ಬರ್ಗಾಪಿ-ಬೇಸ್ಗಿಗೆ ನೀರ್ಮಜ್ಗೆ-ಮಳೇಲ್ ಬಿಸ್ನೀರು...!

ಇವಾಗ್ಲೆಲ್ಲ ಎಲ್ನೋಡ್ರಲ್ಲಿ ಪಿಜ್ಜಾ-ಬರ್ಗರ್ರು
ಡೆಜಾರ್ಟ್ಸ್-ಫಾಸ್ಟರ್ಸ್, ಜಕೂನಿ-ಡೋನಟ್, ಬಾರ್ಬೆಕ್ಯೂ
ಕಾಪಿಡೇಗೋದ್ರೆ ಕೆಪಸ್ಸಿನೋ-ಲ್ಯಾಟೀ, ಎಕ್ಷ್ಪ್ರೆಸ್ಸೋ
ಒಂದ್ಕೋಳಿ ದುಡ್ಗಿಂತ ಹೆಚ್ ಕೊಟ್ ತಿಂದ್ ಹ್ವಟ್ಟೆ ಕೆಡ್ಸ್ಕೊಳ್ಳೋ
ಕೆಎಫ್ಸಿ ಚಿಕನ್ನು....ಎಂತೆತವೋ ಬಂದೋಗ್ಬುಟ್ಟಾವೆ ಅಲ್ವೇನಾ...?!?
--ಮಯಾಸ

ಬಣ್ಣುಕ್ ಮರ್ಳಾಗಿ ಯಾಕ್ ಬಾಳ್ಬೇಕಲ್ವೇನಾ?

ಮುಕುಕ್ಕೆ ಬಣ್ವ ಬಳ್ಕಾಬೌದುಕನ
ಆತ್ಮುಕ್ಕೆ ಅಲಂಕಾರ ಮಾಡ್ಕಂಡ್ 
ಪ್ರಯೋಜುನೈತೇನಾ...?

ಬಿಸ್ಲಲ್ ಬೆವ್ತುಕಂಡ್ ಬೆವ್ರುಸುರ್ಸ್ಕಂಡ್
ದುಡ್ಕಂಡ್ ದಿನದೂಡೋ ಮಂದ್ಗೆ
ಬಣ್ಣ ಕಂಡ್ರೆ ಆಗ್ಬರಕಿಲ್ಲ ಅಲ್ವೇನಾ...?

ಬಣ್ಣುದ್ ಕಾಲ್ದಾಗ ಬದ್ಕು ಮೂರಾಬಟ್ಟಾದ್ರೂ
ಬಣ್ಣುದ್ ಮಾತಾಡುದ್ ಮಂದಿ
ಬದ್ಕ್ ದೂಡ್ಕಂಡ್ ಬಾಳ್ತಿಲ್ವೇನಾ...?

ತಾಳಿತಡ್ದು ನಡ್ಯೋರ್ಗೆ ಕಷ್ಟ ಅನ್ನೋ ಕಾಲ್ದಾಗ
ಬಂಡಿಗ್ ಮಂಡೆ ಚಚ್ಕೋಂಡಂಗೆ
ಬಣ್ಣುಕ್ ಮರ್ಳಾಗಿ ಯಾಕ್ ಬಾಳ್ಬೇಕಲ್ವೇನಾ?

-ಮಯಾಸ

ಹಳೀನೆನ್ಪ್ಗಳು...?

ಮೈಮ್ಯಾಕೆ
ಮಳೆಹನಿ
ಬಿದ್ದಂಗೆ
ಬೀಸೋಗಾಳಿ
ಸೋಕ್ದಂಗೆ
ಉರ್ಯೋಬಿಸ್ಲು
ತಾಕ್ದಂಗೆ
ಆಗ್ಲೊಮ್ಮೆ-ಈಗ್ಲೊಮ್ಮೆ
ಬೆನ್ಗಂಟಿದ್ಬ್ಯಾಬ್ಯಾತಾಳುದಂಗ್
ಯಾಕಾದ್ರೂ
ಬ್ಯಾಡಂದ್ರುಕಾಡ್ತಾವಪ್ಪ
ಹಳೀನೆನ್ಪ್ಗಳು...?!?
-ಮಯಾಸ