ಚಿಗ್ರೆಲೆ - ತರ್ಗೆಲೆ....!

ಚಿಗ್ರಿದೆಲೆ ಉದ್ರೋದು
ಬೋಳ್ಮರ್ದಲ್ಲಿ ಎಲೆ ಚಿಗ್ರದು
ಮಾಮೂಲಿ ಅಲ್ವೆನಾ...?

ರಂಬೆ-ಕ್ವಂಬಿಲ್ಲದ ಮರಿಲ್ಲಕನ
ಮರ ಬೆಳಿತಾನೆ ಇರ್ಬೇಕಂದ್ರೆ
ರಂಬಿ-ಕ್ವಂಬಿ ಅವಾಗವಾಗ ಸವುರ್ಬೇಕನ..!

ಯೋಟ್ ಪಸ್ಲು ಕೊಟ್ರು
ಆ-ಮರ, ಈ-ಮರ ದೊಡ್ಡುದು ಅನ್ನಂಗಿಲ್ಕನ
ಮರ್ಕಿಂತ ಮರ ದೊಡ್ಡುದು ಅನ್ನೋ ಗಾದಿಮಾತ್ ಕ್ಯೋಳಿಲ್ಲೆನಾ..?

ಅಂಬ್ರುದೆತ್ರುಕ್ಕೆ ಮರ ಆಂತ್ಕಂದ್ರು
ಯೋಟ್ ಆಳುಕ್ಕೆ ಬೇರ್ ಬಿಟ್ರು
ಕೊನ್ಗೊಂದಿನ ಮರ ದರಿಗುರ್ಳೇಉರ್ಳುತಲ್ವೆನಾ..?

ದರಿಗುರ್ಳೋ ಮರುದ್ ಚಿಗ್ರೆಲೆ
ಕತಿನೂ ಹಿಂಗೇ ಅಲ್ವೆನಾ...?
ಚಿಗ್ರೆಲೆ ದರಿಗುರ್ಳಿ ತರ್ಗೆಲೆ ಆಗ್ಲೇಬೇಕಲ್ವೆನಾ...?

--ಮಯಾಸ

ಆರ್ಕೊಟ್ರೆ ಅತ್ತೆ ಕಡಿ- ಮೂರ್ಕೊಟ್ರೆ ಸ್ವಸೆ ಕಡಿ...!

ತ್ಯಗ್ಳಿದ್ ಹಳ್ಸೋಕು ಮುಂಚ್ಕೆ
ಹೊಗ್ಳಾಕೋ ಕಾಲ ಕನ ಇದು..!

ಸತ್ತೋರ್ನ ಚಟ್ಟುಕ್ಕಟ್ಟಿ
ಗುಂಡಿಲ್ ಮುಚ್ಚಕ್ಕು-ಸುಟ್ಬರಕ್ಮುಂಚ್ಗೆ-

ಕ್ವಂಡಿನ ಕೆಂಡುದ್ಮುಂದೆ
ಉದಾಗ ಬಡಿತಿರರು ಅಲ್ವೆನ..

ಸಾವಿಗ್ಬರೋ ಸಂಬಂದಿಕ್ರು
ಉದಾಗುದರ್ ಕೈಲಿ ಹ್ವಗ್ಳಾಕ್ಸರು...

ಸತ್ತೋದರ್ಗು ಸಾವಿಗ್ಬಂದರ್ಗೂ
ಸಂಬಂಧ ಹ್ಯೋಳ್ರೆ ಸಾಕಿತ್ತು ಹ್ವಗ್ಳಾಕರಲ್ವೆನಾ..

ಜಡ್ ಜಡ್ ಜಡ್ಡಾ...ಜಡ್ ಜಡ್ ಜಡ್ಡಾ
ಬಡ್ಯೋದ್ ನಿಲ್ಸಿ ಹ್ವಗ್ಳೋರಲ್ವೆನಾ

ಒ- ಅಂದ್ರೆ ಆ-ಅಂತೀನಿ
ಆ-ಅಂದ್ರೆ ಒ-ಅಂತೀನಿ ಅಂತ್ ಸುರಚ್ಕಳರ್ ಕನ

ಹ್ವಗ್ಳಾಕೋನ್ಗೆ ಸತ್ತೋರು ಗ್ವತ್ತಿರರು
ಸಾವಿಗ್ಬಂದ್ ಸಂಬಂದಿಕ್ರು ಗ್ವತ್ತಿರರಲ್ವೆನಾ...?

ಎಲ್ಲರ್ಗೂ ಹ್ವಗ್ಳಕ್ ಬತ್ತಿರ್ಲಿಲ್ಲ ಕನ
ಹ್ವಗ್ಳೋ ಕಲಿ ಗ್ವತ್ತಿರರ್ನ ಉದಾಗುದರು ಕರ್ಕೋ ಬರಾರಲ್ವೆನಾ..?

ಈಗ್ ತಾನೆ ಬೈದೋನ್ನ ಇನ್ನೊಂದಷ್ಟೊತ್ಗೆ
ಹ್ವಗ್ಳಿ ಅಟ್ಗೇರ್ಸಿ ಸಂಬಂದ ಗಟ್ಮಾಡ್ಕಾತಾರ್ಕನ

ಅದ್ಕೆ ಅಲ್ವೆ ಆರ್ಕೊಟ್ರೆ ಅತ್ತೆ ಕಡಿ
ಮೂರ್ಕೊಟ್ರೆ ಸ್ವಸೆ ಕಡಿ ಅನ್ನೋ ಗಾದಿ ಮಾತ್ ಹ್ಯೋಳದು...!

--ಮಯಾಸ

ಮೀನೆಂಗೆಗ್ ಹಿಡ್ಯವಲ್ವೆನಾ...

ಕೋಳಿ ಕರ್ಳ..ಯರುಳ
ಇಂತದೇನಾರೊಂದ್ನ
ಚೋಟುದ್ದ ಗಾಣುಕ್ ಸಿಗುಸ್ಕಂಡು...

ಗಾಣನ ದಾರುಕ್ ಇಳ್ಬುಟ್ಟು
ಕೋಲ್ ಹಿಡ್ಕಂಡ್ ಮೀನ್ ಹಿಡ್ಯಕ್ ಕುಂತ್ರೆ...
ಅದ್ರು ಮಜಾನೆ ಬ್ಯಾರಿತಲ್ವೆನಾ..?

ಗಾಣುಕ್ ನ್ಯಾತಾಕಿದ್ ಕರ್ಳ-ಯರುಳ
ಗ್ವದ್ಮೇನಾರ ತಿನ್ಕಬೇಕಿತ್ತು ಇಲ್ಲಂದ್ರೆ
ಗಾಣುಕ್ ಮೀನ್ ಸಿಗಾಕಬೇಕಿತಲ್ವೆನಾ..?

ಬುಟ್ಕಣ್ ಬುಟ್ಕಂಡೆ ಕಾದ್ ಕೂರವಿ
ದಾರ ವಸಿ ಅಲ್ಗಾಡಿರು
ಮೀನ್ಕಚ್ಕತು ಅಂತನ್ಸದಲ್ವೆನಾ...?

ಹರ್ಯೋ ನೀರ್ಲಿ ಅಡ್ಡಾಡ್ಕಂಡ್
ಓಡಾಡ್ಕಂಡು-ಈಜಾಡ್ಕಂಡ್ ಇರ್ತಿದ್ ಮೀನು
ತುಂಡ್ ಮಾಂವ್ಸುಕ್ಕೆ ಆಸ್ಪಟ್ಟು ಗಾಣುಕ್ ನ್ಯಾತಕಳದಲ್ವೆನಾ...?

ಹಿಡ್ಯವರ್ಗೂ ಮೀನ್ಕಚ್ಕಳ್ಲಿ ಅನ್ಸದಲ್ವೆನಾ
ಹಿಡುದ್ ಮೀನು ಬದಿಗ್ ಬಿದ್ಮ್ಯಾಕೆ
ನೀರಿಗ್ಬುಡ್ಬೇಕನ್ಸಿರು ತಿನ್ನೋ ಆಸ್ಗೆ ಸುಮ್ಕಾಗವಲ್ವೆನಾ..?

ಮೀನೆಂಗೆಗ್ ಹಿಡ್ಯವಲ್ವೆನಾ
ಗುಂಡಿ ಉಗ್ಗವಿ-ಬಲೆ ಬೀಸವಿ
ಕವ್ಲಿ ನೀರ್ಸೋಸವಿ- ಒಟ್ ಕಾದು ಮೀನಿಡ್ಯವಿ..!

ಇತ್ತಿತ್ಲಾಗೆ ಮೀನ್ ಹಿಡ್ಯದ್ಯಾವ್ ಮಹಾ ಬಿಡತ್ಲೆಗೆ
ಸಣ್ ಗಾಣುಕ್ ದೊಡ್ ಮೀನ್ಬೀಳದ್ ಹಳೀ ಕತಿಕನ
ಸಂಬಂದಗಳ್ ಹಿಡ್ದಿಡಕ್ಕೆ ಬಲಿ ಬೀಸ್ತಾರ್ಕನ..!

ಕೆಲ್ವು ಬಲಿ ಹರ್ಕಾ ಹೋತವೆ-ಮತ್ಕೆಲ್ವು
ಬಲಿಲ್ ಸಿಗಾಕಂಡ್ ನರುಳ್ತವೆ ಅಲ್ವೆನಾ
ಬೀಸಿದ್ ಬಲಿಗೆ ಬೀಸ್ದೋರೆ ಬೀಳೋ ಕಾಲಿದು ಅಲ್ವೆನಾ..?

-ಮಯಾಸ

ಕನ್ಕೋಗ್ಬುಟ್ಟೆ

ತಣ್ಣುಗೆ 
ಬೆಣ್ಣೆ ಹಂಗಿದ್ ನಾನು
ಅದ್ಯಾವ್ ಗಳ್ಗೆಲಿ
ಬಿಸ್ನೀರಂಗಿದ್ ನಿನ್ನೊಳಿಕೆ
ದಬಾರುನ್ ಬಿದ್ನೋ ನಾ ಕಾಣೆ
ಬೆಣ್ಣೆ ಕನ್ಕೋದಂಗ್ ಕನ್ಕೋಗ್ಬುಟ್ಟೆ ಕನ್ಗಿ..!
--ಮಯಾಸ

ಕೆಡ್ವೋರೆ ಹೊಡ್ಯೋರು

ಸಣ್ ಐಕ್ಳಿಂದ ಹಿಡ್ದು
ದೊಡ್ಡೋರ್ವರ್ಗೂ
ಮನ್ಸಾರೆ ಆಡ್ತಿದಾಟ..!

ಗಂಡೈಕ್ಳು-ಹೆಣೈಕ್ಳು
ಯಾರಾರು ಸರಿ ಸೇರ್ಕಂಡ್
ಯಂಡ್ ಗುಂಪ್ಮಾಡ್ಕಂಡ್ ಅಟಾಡವಿ..!

ಒಂದೋಟ್ ಕಲ್ಲಿನ್ ಪಚ್ಚೆ
ಒಂದ್ರು ಮ್ಯಾಲೊಂದ್ ವಟ್ಟಿ
ಕೆಡ್ವಿ-ಕಟ್ಟೋ ಆಟ್ವೆ ಲಗೋರಿ ಅಲ್ವೆನಾ...?

ಜೋಡ್ಸಿದ್ ಕಲ್ಗೆ ಒಂದ್ಗುಂಪು
ಬಾಲಲ್ ಬೀಸ್ವಡ್ದು ಚದ್ರುಸದು
ಜೋಡ್ಸಕ್ಕೆ ಇನ್ನೊಂದ್ ಗುಂಪು ಪರ್ದಾಡದು..!

ಕಲ್ಚದ್ರುಸೋ ಗುಂಪಾಗಿದ್ರೆ
ಕಟ್ಟೋರ್ಕಂಡ್ರಾತಿರ್ಲಿಲ್ಲ
ಕಟ್ಟ ಗುಂಪಾಗಿದ್ರೆ ಚದ್ರುಸರ್ಕಂಡ್ರಾತಿರ್ಲಿಲ್ಲ..!

ಕಟ್ಟಾ ಗುಂಪರು ಬಾಲ್ಮುಟ್ಟಂಗಿರ್ಲಿಲ್ಲ
ಚದ್ರುಸೋ ಗುಂಪೋರೆ ಬಾಲಲ್ ಬಿಸ್ವಡ್ಯರು
ಬಾಲಿನೇಟ್ ತಿಂದೋರು ಆಟ್ದಿಂದ್ ಹೊರ್ಗುಳ್ಯರು..!

ಕೆಡ್ವೋರೆ ಹೊಡ್ಯೋರು
ಕಟ್ಟೋರ್ಮಾತ್ರ ಪೆಟ್ಟಿಗಂಜುದೆ
ಹರ್ಸಾಸ ಪಟ್ಟು ಕಟ್ಟೋಕ್ ಪರ್ದಾಡರಲ್ವೆನಾ..?

ಆಗಿನ್ ಲಗೋರಿ ಆಟ ನೆನುಸ್ಕಂಡ್ರೆ
ಬಾಲು-ಕಲ್ ಇಲ್ಲಷ್ಟೆಯಾ...ಇವಾಗ್ಲು ಹಂಗೆ ಅಲ್ಲೆನಾ..?
ಯೋನಾರು ಸರಿ ಕಟ್ಟೋರ್ಗೆ ಪೆಟ್ಟು ಅಲ್ವೆನಾ...?!?

--ಮಯಾಸ

ಮಗುಚ್ಗಾ ಬುಡ್ತೂ...

ಗ್ವಾಡ್ ಕುಸುದ್ರೆ
ಮಣ್ ಮುದ್ದೆ ತಕ್ಕಂದ್
ಪ್ಯಾಚಾಕ್ತಿದ್ದೆ ಕಣ್ಗಿ..!

ಮಾಳ್ಗೆ ಕುಸ್ದೋಗಿದ್ರೆ
ದಬ್ಬೆ ಮರ್ಕಾಬಂದು
ಬಿಗ್ದು ಕಟ್ಬಿಡ್ವೆ ಕಣ್ಗಿ..!

ತಳಪಾಯ್ವೆ
ಮಗುಚ್ಗಾ ಬುಡ್ತೂ...
ತಡ್ರುಗುಟ್ ಹೋದೆ ಬುಡತ್ಲೆಗೆ..!
--ಮಯಾಸ

ಬಿಕ್ಳಿಕೆ-ಆಕ್ಳಿಕೆ

ಅದ್ಯಾಕೋ ಕಾಣೆ ಕಣ್ಗಿ
ಪದೀಪದೀ ನಿನ್ ನೆನಪಾಗುತೈತೆ
ನಿಂಗೇನಾರೂ ಬಿಕ್ಳಿಕೆ-ಆಕ್ಳಿಕೆ ಬತೈತಾ
ಇತ್ತಿತ್ಲಾಗೆ ಉಣ್ವಾಗ-ತಿನ್ವಾಗ
ಯದಿಲಿಡುಕಂಡಂಗಾಗುತೈತಾ..?

--ಮಯಾಸ

ಸೇಂದಂದ್ರೆ ಸೇಂದಿ- ಬೈನೇ ಸೇಂದಿ

ಸೇಂದಂದ್ರೆ ಸೇಂದಿ- ಬೈನೇ ಸೇಂದಿ
ಮಳ್ಗಾಲ್ ಸುರಾಗಕ್ಮುಂಚ್ಗೆ-ಮಳ್ಗಾಲ್ ಮುಗುದ್ಮ್ಯಾಕೆ
ಹ್ವತ್ ಹ್ವತ್ತಾರೆದ್ದು..ಬೈನೇ ಮರುದ್ಬುಡ್ದಲ್ಲಿ
ವಂದೇ ವಂದ್ ಚಿಪ್ಪಲ್ಲಿ ಹೆಂಗ್ ಹಂಚ್ಕ ಕುಡ್ಯಾರಲ್ವೆನಾ..?

ಬೈನೇ ಮರುದ್ ಒಂದ್ ರೆಕ್ಕೆ 
ಅರ್ದುಕ್ಮುರ್ದಾಕಿ ಅದ್ಕೊಂದ್
ರಾತ್ರೊತ್ ಮಡ್ಕೆ ನ್ಯಾತಾಕ್ಬಂದ್ರೆ
ತೊಟ್ಟಿಕ್ಕಿ ತ್ವಟ್ಟಿಕ್ಕಿ ಬೆಳ್ಕರ್ಯಹ್ವತ್ಗೆ ಮಡ್ಕೆ ತುಂಬಿರದಲ್ವೆನಾ..?

ಕ್ವರ್ಯೋ ಇಬ್ನಿ ನಡ್ವೆ-ಚ್ವಳಿ ನಡ್ವೆ
ಯಂಡ್ ಕಾಲ್ಗು ಒಂದ್ ಹಗ್ಗ ಕಟ್ಕಂಡ್
ಕೋಳ್ಗೂಗೋ ಹ್ವತ್ನಲ್ಲಿ ಪುರ್ಪುರ್ನೆ-ಸಪೂರ್ನೆ ನ್ಯಟ್ಗಿರೋ
ಬಳ್ಕಾಡೋ ಮರ ಹತ್ತಿ ಸೇಂದ್ ತುಂಬಿದ್ ಮಡ್ಕೆ ಹೆಂಗ್ ಇಳ್ಸೋರಲ್ವೆನಾ..?

ಜಲುದ್ ನೀರ್ಗುಂಡಿ ಅಕ್ಪಕ್ಕುದಲ್ಲಿದ್ರು
ಊರರ್ಗೆ-ಕೇರಿರ್ಗೆ ಅಂತ್ ಮಾಡ್ಕಂಡಿರರು
ಸೇಂದಿ ಮಡ್ಕೆ ಬಡ್ಡೆಲ್ಮಾತ್ರ ಒಂದ್ಚಿಪಲ್ ಸೇಂದಿ ಸುರ್ಕಂದ್
ಅಗ್ರಾರುದರೂ..ಊರರೂ..ಕೇರಿರೂ ಹಂಚ್ಕಂದ್ ಕುಡ್ದು ತೂರಾಡರು...!

ಹಬ್ದಲ್ಲೋ-ಮಾಳಾದ್ ಪಕ್ಷುದಲ್ಲೋ
ಹಿರಿಕ್ರು ಯಡಿಗಿಡಕ್ಕೆ ಸೇಂದಿ ತರಕ್ಕೆ
ಜತಿಗ್ ನಮ್ನು ಕರ್ಕಂಡೋಗರು
ಸಿಂಯ್ಯುಗೈತೆ ಕುಡಿ ಅನ್ನರು...ಮಜ್ಗಿಂದಂಗಿರದಲ್ವೆನಾ..?

ಸೇಂದಿ ಕುಡ್ಯರ್ಗೆ ಏನ್ ನೆಂಚ್ಕಂದ್ರೆ
ಚಂದಂತ ಕ್ಯೋಳ್ರೆ ಹಿಂಗೇಳರಲ್ವೆನಾ..?
ಏಡಿ-ಬೀಡಿ-ಸೇಂದಿ ಮುಂದೆ ಬೀರ್ನು ಬ್ರಾಂಡಿನು
ನ್ಯೂಳ್ಸಿ ಯಸ್ಯಂಗಿರುತ್ತೆ ಅನ್ನಾರಲ್ವೆನಾ...?

ಮೊನ್ಮನ್ನೆ ಊರ್ಗೋಗಿದ್ದಾಗ್
ಸೇಂದಿ ಕುಯ್ಯೋರ್ ಸಿಕ್ಕಿದ್ರು ಕನ
ಯಾವಾಗ್ ಸಿಗುತ್ತೆ ಸೇಂದಿ ಅಂದ್ಕನ
ಸರ್ಕಾರ್ದೋರ್ ಬ್ಯಾನ್ಬಾಡವ್ರೆ ಕದ್ಮುಚ್ಚಿ ಕೂಯ್ತಿವಿ-ಹ್ಯೋಳ್ಕಳುಸ್ತೀನಿ ಅಂದ್ರು ಕನ...!

--ಮಯಾಸ

ಹಕ್ಕಿ ರೆಕ್ಕೆ ಮುರ್ದಾಕಿ

ಮರ್ತ್ಬುಡು ಮಾರಾಯ
ಮರ್ತ್ ಹಾಯಾಗಿರು
ಅಂತ್ ಹ್ಯೋಳೋದ್ ಸುಲ್ಬ ಕಣ್ಗಿ..!

ಹಾರಾಡ್ಕಂಡಿದ್ 
ಹಕ್ಕಿ ರೆಕ್ಕೆ ಮುರ್ದಾಕಿ
ಹಾರಾಡ್ಕಂಡಿರಂದ್ರೆ ಸರೋಯ್ತದೇನ್ಗಿ..?

ಹಾರಕ್ಕಾಗ್ದೆ ಮದ್ರುಕ್ಕಂದ್ ಕುಂತ್ ಹಕ್ಕಿಗೆ
ಗುಟ್ಗು ನೀರ್ಕುಡ್ಸಕ್ಯಾರಾದ್ರು
ಸಿಕ್ಕೇ ಸಿಗ್ತಾರೆ ಬುಡತ್ಲೆಗೆ....!

--ಮಯಾಸ

ಮಳ್ಬೆಕ್ ಬಂದಂಗ್ ಬಂದ್ಲು

ಗುಡುಕ್ಕಂಡ್ ಬಂದೋಳು
ಹಿಂಗ್ ಮಿಂಚಿ ಹಂಗ್ ಮಾಯ್ವಾಗೋ
ಸಿಡ್ಲಂಗಾದ್ರು ಬಂದೋಗಿದ್ರಾಗದ್ಕನ

ಮಳ್ಬೆಕ್ ಬಂದಂಗ್ ಬಂದ್ಲು
ಮುಕುದ್ಮೇಲಿದ್ ನಗುನ್ನೇ
ಲಪಟಾಯುಸ್ಕಂಡ್ ಹೊಂಟೋಗ್ಬುಟ್ಲು ಕನ...!

--ಮಯಾಸ

ಕವ್ದಿ ವಳ್ಗೆ

ನನ್ನೆದಿವಳ್ಗೆ
ಬಚ್ಕೊಂಡಿರೋ
ಕನುಸ್ಗಳು
ನಿಂಗೆಗ ಗೊತ್ತಾತವೆ ಬುಡತ್ಲೆಗೆ
ಮಂಕಂಡಾಗ್ ಬಿದ್ ಕನುಸ್ಗಳು
ಕವ್ದಿ ವಳ್ಗೆ
ಅಪ್ಪಚ್ಚಿಯಾಗೋಗ್ಬುಟ್ವು ಕಣ್ಗಿ..!

--ಮಯಾಸ

ಜೊಳ್ಳು ಹಾರೋಗೆ ಹೋಯ್ತವೆ

ನಡ್ಯೋಕಾಲ್ ಯಡುವ್ದೆ
ನುಡ್ಯೋ ನಾಲ್ಗೆ ತೊದುಲ್ದೆ
ಇರಲ್ಲ ಕನ......!

ಯಾರೇಟೆ ಕಲ್ಕಿರು
ಹರ್ಯೋ ನೀರಿನ್ ಬೊಗ್ಡ
ತಿಳ್ಯಾಗೇ ಆಗುತ್ತೆ ಅಲ್ವೆನಾ....?

ಮೂಡಿದ್ ಸೂರ್ಯ ಮುಳುಗ್ದಂಗೆ
ಕಾಮುನ್ಬಿಲ್ ಮರ್ಯಾದಂಗೆ
ಕವುಚ್ಕಂಡ್ ಇಬ್ನಿ ಅವುಚ್ಕಂಡಂಗೆ..!

ತಾಳ್ದೋರು ಬಾಳ್ತಾರೆ
ಆತ್ರುಗೆಟ್ಟಾರು ಬುದ್ಗೆಟ್ಟಾರು
ಅಂತ್ ಸುಮ್ ಸುಮ್ಕೆ ಹ್ಯೋಳಿಲ್ಲ ಕನ..!

ಕಾಳುಜೊಳ್ಳಿನ್ ಕತಿಗ್ವತ್ತಲ್ವೆನಾ
ಗಾಳಿ ಬೀಸೆ ಬೀಸುತ್ತೆ ಕನ
ಜೊಳ್ಳು ಹಾರೋಗೆ ಹೋಯ್ತವೆ ಅಲ್ವೆನ...?!?

--ಮಯಾಸ

ಬಾಸುಂಡೆ ಬರಂಗ್ ಬಾರ್ಸರಲ್ವೆನಾ..?

ಯಪ್ಪಾ ಯಪ್ಪಾ ಯಪ್ಪಾ
ಯವ್ವೀ ಯವ್ವೀ ಯವ್ವೀ
ಅವಾಗ್ಲೆಲ್ಲ ಸಣ್ ತೆಪ್ ಮಾಡಿರು
ಹೆಂಗ್ ದಂಡ್ಸೋರಲ್ಲೆನ ದೊಡ್ಡರು..?

ಕೆಂಪನ ಕೆಂಡುದ್ಮ್ಯಾಕೆ
ವಣ್ ಮೆಣ್ಸಿನ್ಕಾಯ್ ಹಾಕಿ
ಮತ್ ಮಾಡ್ತೀಯ ಇಂತ ತೆಪ್ಪಾ
ಅಂತ ಕತ್ಬಗ್ಸಿ ಗಾಟ್ಗುಡ್ಸರಲ್ವೆನಾ....?

ಮನಿವಳ್ಗೆ ಕೂಡಾಕಿ ಪೆಟ್ಕೊಟ್ರೆ
ಬುದ್ಬರಕಿಲ್ಲ ಅಂತನ್ಕಂಡು ಊರೆಲ್ಲ ಅಟ್ಟಾಡುಸ್ಕಂಡು
ಮಾರುದ್ದುದ್ ಬೆತ್ತುದ್ ಕೋಲಿಡ್ಕಂಡು
ಬಾಸುಂಡೆ ಬರಂಗ್ ಬಾರ್ಸರಲ್ವೆನಾ..?

ಅಯ್ಯಾ..ಅದ್ಯಾಕಿಂಗ್ ಹೊಡಿತಿ
ಬುಡತ್ಲೆಗೆ ಅಂತ್ಯಾರಾರಂದ್ರೆ ಇನ್ನ ಪೆಟ್ ಬೀಳವು
ಯೋಟ್ ಹ್ಯೋಳ್ರು ಚಾಳಿ ಬಿಡ್ದವ್ಕೆ
ಬರ್ಲಲ್ ಬೀಸ್ವಡುದ್ರು ಕಮ್ಮಿನೇ ಅಂತನರಲ್ವೆನಾ..?

ಜಾಣುಗ್ ಮಾತಿನ್ಪೆಟ್ಟು
ಕ್ವಾಣುಗ್ ದ್ವಣ್ಣೆ ಪೆಟ್ಟು ಅಂತ ಬೋದ್ಬಿಡರಲ್ವೆನ..?
ಗಿಡ್ವಾಗಿ ಬಗ್ಗುದ್ದು ಮರ್ವಾಗಿ ಬಗ್ಗಕುಲ್ಲ
ಅಂತನ್ಕಂಡೆ ಹಿಂಗೆಲ್ಲ ದಂಡ್ಸರೇನೋ ಅಲ್ವೆನಾ..?

--ಮಯಾಸ

ಅದೆಂತ್ನೋ ಕಾಣೆ

ಅದೆಂತ್ನೋ ಕಾಣೆ
ನೀ-ಕ್ವಟ್ಟಂಗ್ ಮಾಡ್ದೆ
ನಾ-ಇಸ್ಕಂಡಂಗ್ ಮಾಡ್ದೆ
ಆಟ್ ಮಾತ್ರ ಗ್ವತ್ತುಂಟ್ ಕಣ್ಗಿ
ಇದ್ಕಿದ್ದಂಗೆ ರಪಾರ್ನೆ
ಅದ್ಯಾಕ್ ಕಿತ್ಕಂಡೋ

ಅದೆಂಗ್ ಕಿತ್ಕಂಡೋ
ತಿಳಿದೆ ವದ್ದಾಡ್ತೀವ್ನಿ ಕಣ್ಗಿ...!

--ಮಯಾಸ

ಮದ್ದುಂಟೇನಾ..?

ಕೊಡ್ಕಿದ್ರೆ ದೂಳ್
ಮಂಗಮಾಯ್ವಾಗುತ್ತೆ
ಮುಲಾಮ್ ಹಚ್ಚಿರೆ
ಗಾಯ ಗುಣಾಗ್ತದೆ
ನೆಚ್ಕಂಡೋರು
ಹಚ್ಕಂಡೋರು
ಚೂರಿ ಹಾಕೋಕ್ ಸುರಾದ್ರೆ
ಅದ್ಕೆ

ಮದ್ದುಂಟೇನಾ..?
--ಮಯಾಸ

ಸಿಲೇಟು ಬಳ್ಪ ಇಲ್ಲೇಇಲ್ಕನ

ಮರುದ್ ಪಟ್ಟಿಗೆ ಸಿಗ್ಸಿದ್
ಕಪ್ ಕಲ್ಲಿನ್ ಸಿಲೇಟು
ಸುಣ್ಣುದ್ ಬಳ್ಪ-ಬೆಣ್ಣೆ ಬಳ್ಪ
ಇವೀಟ್ ಇಟ್ಕಂಡೆ ಇಸ್ಕೂಲ್ಗೋಗವಿ...!

ಮೊದ್ಮೊಲ್ಗೆ ಬಳ್ಪ ಹಿಡ್ಕಂಡ್ರೆ
ಬೆಳ್ನೋವ್ ಬರದು
ಯಂಡ್ಕಡೆ ಬರ್ಯಂಗಿದ್ ಸಿಲೇಟಲ್ಲಿ
ಒಂದ್ಕಡೆ ಬರ್ಸರು-ಇನ್ನೊಂದ್ಕಡೆ ಬರ್ಕಬರಕ್ಯೋಳರು..!

ಇಸ್ಕೂಲ್ ಸುರಾಗಿ ಸ್ವತಂತ್ರ ದಿನಾಚರ್ಣೆ ಬಂದಾಗ
ಯೂನಿಪಾಮ್ ಹಾಕಬರ್ರೋ ಅನ್ನರು
ವೋದಕು ಅವೇ ಬಟ್ಟೆ ಆಡಕು ಅವೇಬಟ್ಟೆ
ವಾರ್ಕಳ್ಯೋದ್ರೊಳ್ಗೆ ಜಾರ್ಬಂಡೆ ಅಟಾಡಿ ಹರ್ಕೋಗಿರವು...!

ಹರ್ದೋದ್ ಕಡಿಕ್ಯೆಲ್ಲ ತ್ಯಾಪಾಕಿ ತ್ಯಾಪಾಕಿ

ಒಂದ್ ತರುದ್ ಬಟ್ಟೆ ಬಣ್ಬಣ್ಣುದ್ ಬಟ್ಟಾಗ್ಬುಡದು
ಕಳ್ಳಿ ಕರೆ, ಐಸ್ಕ್ಯಾಂಡಿ ಬಣ್ಣ ಬಟ್ಟೆಲ್ ಎದ್ ಕಾಣವು
ಸರ್ಟಿನ್ಜೋಬು-ಚಡ್ಡಿಜೋಬು ತೂತಾಗಿರವು..!

ಯಾರ್ಜೋಬ್ಗೆ ಕೈಯಾಕಿರು
ಗೋಲಿರವು ಇಲ್ಲ ಜಲ್ಲಿ ಕಲ್ಲಿರವು
ಪಾಟುದ್ ಕಡಿಕೆ ಮನ್ಸೆಲ್ಲಿರದಲ್ವೆನಾ
ಅಟಾಡಕ್ಕೆ ಹಾತ್ವರ್ಯವಿ ಅಲ್ವೆನಾ..?

ಅಟಾಡ್ಕಂಡೆ ಇದ್ರೆ ಮೂಟೆ ಹ್ವರಕ್ಕೋತ್ತೀರಿ ಅನ್ನರು
ಈಗಿನೈಕ್ಳು ಮೂಟ್ಮೂಟೆ ಪುಸ್ಕ ಹ್ವತ್ಕಂದೆ
ಇಸ್ಕೂಲ್ಗೋಗ್ಬೇಕು-ಅಟಾಡದ್ಬುಟ್ಟು ಮತ್ ಪಾಟುಕ್ಕೋಗ್ಬೇಕು
ಸಿಲೇಟು ಬಳ್ಪ ಇಲ್ಲೇಇಲ್ಕನ-ಬರುದ್ರೆ ಅಳ್ಸಕಾಗಲ್ಲಕನ..!

ಪೆನ್ನುಪೇಪರ್ರೆ ಹಿಡ್ಕಂಡ್ ಇಸ್ಕೂಲ್ಗೋತ್ತವೆ
ಅವೆಲ್ಡ್ ಬುಟ್ರೆ ಬದ್ಕೆ ಇಲ್ಲಂತವ್ಕನ...
ಅಳ್ಸಿಬರ್ಯೋಕಾಲ್ದಾಗ ಸೋತ್ ಗೆಲ್ತೀವನ್ನೊರಲ್ವೆನ..?
ಅಳುಸ್ದಂಗ್ ಬರ್ಯೋ ಇವಾಗ ಸೋತ್ ಕೂಡ್ಲೆ ಅಳ್ತಾರಲ್ವೆನಾ...?!?

--ಮಯಾಸ

ಗಾಬ್ರಾಯ್ತದೆ ಕಣ್ಗಿ...!

ಇದ್ಕಿದ್ದಂಗೆ
ಹುಟ್ಟಿದ್ ಪಿರೂತಿ...

ನಾವ್ನಾವೆ ಹೆಣ್ಕಂಡ್
ನಂಬ್ಕೆ...

ಸುಖಾಸುಮ್ಕೆ
ಸೃಷ್ಟಿಸ್ಕಂಡ್ ವಿಶ್ವಾಸ...

ಮನ್ಸು ಬಯುಸ್ಬುಡ್ತಂತ
ಕಟ್ಕಂಡ್ ಕನ್ಸು..

ಇಲ್ದಂಗಾಗೋಗ್ಬುಟ್ರೆ
ಮಣ್ಣಂಗಟ್ಟಿ...

ಯಂತದೂ ಆಗಕುಲ್ಲ ಕಣ್ಗಿ..!

ಬೀಸೋ ಗಾಳಿ ನಿಂತೋದ್ರೆ
ಬೆಳ್ಕೇ ಬರದಂಗಾದ್ರೆ....?

ಕತ್ಲೇ ಆಗ್ದಿದ್ರೆ
ಮಳೇ ಹೂಯ್ದಿದ್ರೆ...?

ಹಿಂಗೆಲ್ಲ
ಊಹಿಸ್ಕಂಡ್ರೆ...

ಗಾಬ್ರಾಯ್ತದೆ ಕಣ್ಗಿ...!

--ಮಯಾಸ

ಗ್ವಾತ ಹ್ವಡ್ಕಂಡ್

ಯತ್ರುದಲ್ 
ಹಾರಾಡ್ಕಂಡಿದ್
ಗಾಳಿಪಟ
ಸೂತ್ರ ಹರ್ಕಂದು
ಗ್ವಾತ ಹ್ವಡ್ಕಂಡ್
ದಬಾರುನ್ 
ಬಿದ್ದಂಗಾತು ಕಣೆ
ನಿನ್ ಪಿರೂತಿ
ಕ್ವಂಡಿ ಕಳುಚ್ಕಂಡಾಗ.!

--ಮಯಾಸ

ಬದ್ಕೇನ್ಕಷ್ಟಲ್ಲ ಬುಡ್ಕನ...!

ಹುಟ್ಟುದ್ಕೂಡ್ಲೆ ಅಳೋದ್ನ
ಅವ್ವುನ್ ಮೊಲೇಲಿ ಹಾಲ್ಕುಡ್ಯೋದ್ನ
ಯಾರುವೆ ಹ್ಯೋಳ್ಕೊಟ್ಟಿರ್ಲಿಲ್ಲ ಅಲ್ವೆನಾ...?

ಹೊರಳಾಡುದ್ರೆ-ಅಂಬ್ಳಾಡಕ್ಕಾಗದು
ಅಂಬ್ಳಾಡಿದ್ಮ್ಯಾಕೆ-ಕುಂತ್ಕಳಕ್ಕಾಗದು
ಕುಂತ್ಕಂದ್ ಮ್ಯಾಕೆ-ನಿಂತ್ಕಳಕ್ ಆಗೋದಲ್ವೆನಾ..?

ಗ್ವಾಡೆ ಹಿಡ್ಕಂಡ್ ನಿಂತ್ಕಂದ್ ಮ್ಯಾಕೆ
ಪುಟ್ ಹೆಜ್ಜೆ ಹಾಕೋದ್ ಕಷ್ಟೆನಾ...?
ಬಿದ್ದೆದ್ ನಡುದ್ರೆನೆ ಸರ್ಯಾಗ್ ನಡ್ಯೋಕಾಗೋದಲ್ವೆನಾ..?

ತಿನ್ನೋಕ್ ಯೋನ್ ಕೊಟ್ರು ಚಲ್ಲಾಡ್ಕಂಡ್ ತಿನ್ನವಿ
ಬಿದ್ದಿದ್ ಹೆರ್ಕಾ ತಿಂದ್ರೆ ಬುದ್ದಿಗೊಳ್ಳೇದನ್ನರು
ಮಣ್ಣು ಮಸಿ ತಿಂದ್ಕಂದೆ ಬೆಳ್ಕಂದ್ ಬಂದೋರಲ್ವೆನಾ...?

ಬದ್ಕೋಕ್ಕೋಸ್ಕರನೇ ತಿನ್ನೋರ್ಗೆ
ಬುದ್ದೊಂದ್ ನೆಟ್ಟುಗಿದ್ರೆ ಬದ್ಕದೇನ್ ಮಹಾಲ್ಲಕನ
ನಡ್ಕಂಡ್ ಬಂದ್ ದಾರಿ ತಿರ್ಗ್ ನೋಡ್ರೆ ಸಾಕ್ಕನ..!

ನಡ್ದಿದ್ ದೂರ ತಿಳ್ಯುತಲ್ವೆನಾ...
ಮುಂದ್ಕೆಂಗ್ ನಡಿಬೇಕಂತ ಗೊತ್ತಾಗುತಲ್ವೆನಾ
ಅರ್ತು ಬೆರ್ತು ಬಾಳ್ಮಾಡರ್ಗೆ

ಬದ್ಕೇನ್ಕಷ್ಟಲ್ಲ ಬುಡ್ಕನ...!

--ಮಯಾಸ

ನೆರುಳ್ ಕೆಳ್ಗೆ

ಅವ್ಳು ಕಚ್ಚಿಟ್ ಹೋದ್ ಹಣ್ತಿಗೆ
ನೂಲ್ ಹ್ವಸ್ದು...ಬತ್ತಿ ಮಾಡಾಕಿ
ಯಣ್ಣೆ ಹೂದು ಹೂದು
ಕೈ ಸೋತೋದ್ವುಕನ...!

ಬುಟ್ಕಣ್ ಬುಟ್ಕಂಡೆ ಕಾಯ್ತೀವ್ನಿ
ಕಣ್ಣೆದ್ರುಗೆ ಬೆಳ್ಕೈತೆ ಕನ
ಇದ್ ಯೋನ್ ಪ್ರಯೋಜ್ನ ಅಲ್ವೆನಾ..???
ಹಣ್ತಿ ಕೆಳ್ಗಿನ್

ನೆರುಳ್ ಕೆಳ್ಗೆ
ಅವುಚ್ಕಂಡೋಳು ಮತ್ ಕಾಣ್ಸಕುಲ್ಲ ಅಲ್ವೆನಾ..??

--ಮಯಾಸ

ಹ್ವತ್ಕಂದೋಬುಟ್ಲು

ಹಗ್ಲಿಡಿ-ರಾತ್ರಿಡಿ
ನನ್ನಷ್ಟುಕ್ ನಾ
ಮನ್ಸಿಗ್ ಬಂದಂಗ್

ಕನ್ಸ್ ಕಂಡ್ಕಂಡ್ ಇದ್ದೆ ಕನ..!

ಇದ್ಕಿದ್ದಂಗೆ
ರಣದ್ದು ಬಂದಂಗ್ ಹಾರ್ಕಬಂದು
ಕೋಳಿಪಿಳ್ಳೆ ಯತ್ಕಂದೋದಂಗೆ
ಕಣ್ಮುಚ್ ಬುಡೋದ್ರೊಳ್ಗೆ ಹ್ವತ್ಕಂದೋಬುಟ್ಲು ಕನ..!

--ಮಯಾಸ

ಬ್ರೇಕಿಲ್ಲುದ್ ಬೇರಿಂಗ್ ಗಾಡಿ

ಮಳುದ್ದುದ್ ಮೂರ್ ಕೋಲ್ ಮುರ್ಕಾಬಂದ್
ಮೂರ್ಕೋಲ್ನು ಮೂರ್ಮೂಲ್ಯಾಗ್ ಸೇರ್ಸಿ
ಚೂಪಾದ್ ಮಳಿಂದ ಕಲ್ಲಲ್ ಜಜ್ಜಿ...ಕೂಡ್ಸಿ
ಮೂರ್ಮೂಲ್ಗೂ ಒಂದೊಂದ್ ಬೇರಿಂಗ್ ಹಾಕಿ
ಇಳ್ಜಾರಲ್ ಹೆಂಗ್ ಜಾರೋಗವಿ ಅಲ್ವೆನಾ...??

ಸೈಕಲ್ ಸರ್ಮಾಡೋ ಅಂಗ್ಡಿಗೋಗಿ
ಮೂರೇಮೂರ್ ಬೇರಿಂಗ್ಗೆ
ದಿನ್ವಿಡಿ ಮೂರೊತ್ತು ಅಲ್ದಾಡವಿ
ಬರೇ ಮೂರೇ ಮೂರ್ ಬೇರಿಂಗ್ ಸಿಕ್ರೆ
ಮುಕ ಅರುಳ್ಸ್ಕಂಡ್ ಬೇರಿಂಗ್ ಗಾಡಿ ಮಾಡಾಕವಿ..!

ಬ್ರೇಕಿಲ್ಲುದ್ ಬೇರಿಂಗ್ ಗಾಡಿ
ಜಾರ್ಜಾರ್ತನೇ ಉಲ್ಟೋಗ್ಬುಟ್ರೆ
ಮೈಕೈ ತರ್ಚೋಗದು..ಮಂಡಿಗ್ ವಸಿ ಪೆಟ್ಟಾಗದು
ಪೆಟ್ಟಾತು ಅಂತ್ ಮನಿಗೋದ್ರೆ ಪೆಟ್ ಬೀಳ್ತವಂತ್ಲೇ...
ಅಡ್ಕಿನ್ ಸ್ವಪ್ ರಸ ಹಿಂಡ್ಕಂಡು ತರ್ಚಿದ್ ಗಾಯನು ಅಡುಗ್ಸವಿ ಅಲ್ವೆನಾ..?

ಸಮ್ತಟ್ಟಾದ್ ಬಾರೆಮ್ಯಾಗೆ
ಇಳ್ಜಾರಿನ್ ಕಾಲ್ದಾರ್ಯಾಗೆ
ಬೇರಿಂಗ್ ಗಾಡಿಲ್ ಜಾರ್ಜಾರ್ತನೆ
ಅಟಾಡ್ಕಂಡ್ ಇರ್ತಿದ್ದೋರು ದೊಡ್ಡೋರಾಗ್ಬುಡವಿ
ದಡ್ರು ಯಾರಾರ ಸಿಕ್ರೆ ಜಾರಿದ್ ಗಾಡಿನ ಮ್ಯಾಕೆ ಹ್ವತ್ಕಬರ್ಸವಿ..!

ಬೇರಿಂಗ್ ಗಾಡಿ ಅಟಾಡಕ್ಕೆ
ಅವಾಗ್ಲೆಲ್ಲ ತಳ್ಳಕ್ ಯಾರ್ನಾರ ಹುಡ್ಕಾಡವಿ
ಇವಾಗ್ ನೋಡ್ರೆ ಸುಮ್ಕೆ ನಿಂತ್ಕಂದ್ರೆ ಸಾಕು ಕನ
ಯಾರ್ ತಳ್ಳಿರು..ಯಾಕ್ ತಳ್ಳಿರು ತಿಳ್ಯಕುಲ್ಕನ
ಅದ್ಕೆ ಅಲ್ಲೆನ ಹಿರಿಕ್ರು ಹ್ಯೋಳ್ತಿದ್ದು ಮೈಯೆಲ್ಲ ಕಣ್ಣಾಗಿದ್ರೆ ಬದ್ಕು ಅಂತಲ್ವೆನಾ..?!?

--ಮಯಾಸ

ಸುರಾಗೈತೆ

ಅವುಚ್ಕಂಡಿದ್
ನನ್ ಕನುಸ್ಗಳು
ನುಣುಚ್ಕಂಡು
ಅದ್ಯಾವ್ ಮಾಯ್ದಾಗ
ನಿನ್ ಯದಿವಳಿಕೆ
ಅದೆಂಗ್ ಜಿಗುದ್ವೋ
ನಾ ಕಾಣೆ ಕಣ್ಗಿ
ಕಂಡ್ ಕನ್ಸು
ಈಡೇರ್ತವೆ
ಅಂತನ್ಸೋಕ್
ಸುರಾಗೈತೆ ಕಣ್ಗಿ..!

--ಮಯಾಸ

ವಟ್ರುಗುಡೋ ಕಪ್ಪೆ

ವಟ್ರುಗುಡೋ ಕಪ್ಪೆ
ಲೊಚ್ಗುಟ್ಟೋ ಹಲ್ಲಿ
ಜೀಂಯ್ಗುಡೋ ಜೀರುಂಡೆ
ಯಲ್ ಮಾಯ್ವಾಗೋದ್ವು ಕನ..?

ಮಣ್ ಗೆಬ್ರಿರೆ ಎರುಳ ಬರವು
ಮರುದ್ ಪೊಟ್ರೆಯಡಿ ಕುಟ್ಟೆಹುಳಿರವು
ಕತ್ಲು ಕವುಚ್ಕಂಡ್ ಮ್ಯಾಕೆ ಮಿಣ್ಕುಳಿರವು
ಮಳ್ಗಾಲ ಸುರಾದ್ರೆ ಹರ್ಪುಳ ಏಳವು..!

ಮನ್ಮುಂದಿನ್ ಬೇಲಿ ಮ್ಯಾಗೆ
ಹಸ್ರಾವ್ ಸರ್ದಾಡ್ಕಂಡ್ ಇರವು
ಹಿತ್ಲಾಗ್ ಹ್ವಾತಿಕ್ಯಾತ-
ಹಾವ್ರಣೆ ಸುಳ್ದಾಡವು ಅಲ್ವೆನಾ..?

ಗೆರೆ ಗೆಬ್ರಕ್ಕೋದ್ರೆ ಗೆಡ್ಡೆ ಗೆಣ್ಸು ಸಿಗವು
ಬಂಡೆ ಕೆಳ್ಗಿನ್ ನೀರಾಗ ಕಲ್ಲೇಡಿ ಕಾಣ್ಸವು
ನೀರ್ ಹರ್ಯೋ ಸಣ್ ಕವ್ಲಿಲು
ಮಳ್ಳಿ ಮೀನೋಡಾಡ್ತಿದ್ವಲ್ವೆನ..?

ಕುಂತ್ಕಡೆ-ನಿಂತ್ಕಡೆ-ನಡ್ದಾಡಕಡೆಲ್ವು
ಕಿಂಯ್ಗುಡೋ ಮೊಬೆಲ್ ಪೋನ್ಬಂದ್ಮ್ಯಾಕೆ
ಇವೆಲ್ವೂ ಮಾಯ್ವಾಗೋಗ್ಬುಟ್ಟವು
ಅಂತನ್ಸದ್ ಮಾತ್ರುವ ಸುಳ್ಳಲ್ಲ ಅಲ್ವೆನಾ..?!?

--ಮಯಾಸ

ಪಕ್ಕುದಲ್ ಅವ್ಳಿರ್ತಿದ್ಲು..!

ಹರ್ಯೋ ನೀರ್ನೋಡ್ಕಂಡ್
ಸುಂಯ್ಯುನ್ ಬೀಸೋ ಗಾಳಿ ಸೋಗುಸ್ಕಂಡ್
ವಡಾಡೋ ಮೋಡ ನೋಡ್ಕಂಡ್
ನಾ ನಿಂತ್ಕಂಡಿದ್ರೆ ಪಕ್ಕುದಲ್ ಅವ್ಳಿರ್ತಿದ್ಲು..!

ಅದೇನಾತೋ... ಯಂತಾತೋ 
ಅದ್ಯಾವ್ ಹಾಳ್ ಕಣ್ಬಿತ್ತೋ
ಹತ್ರಾಗಿದ್ ಇಬ್ರೂ ದೂರಾಗ್ಬುಟ್ವಿ
ಕಾರ್ಣ ಇಂತದೆ ಅಂತೇನಿಲ್ಕನ...!

ದಿನ್ವೂ ಕತ್ಲಾದ್ ಮ್ಯಾಕೆ ಅಕಾಸ್ದಾಗ
ಚುಕ್ಕಿಗಳ್ ಮಿರ್ಮಿರಿ ಮಿಂಚ್ತವೆ
ಹಗ್ಲುರಾತ್ರಿ ಸೂರ್ಯುನು - ಚಂದ್ರುನು
ಪಾಳಿ ಬದ್ಲಾಯ್ಸ್ ಕಂಡ್ ಎದ್ರುಬದ್ರಾಗ್ತವ್ರೆ ಕನ..!

ಹ್ವಟ್ಟುರಿಯುತ್ತೆ ಕನ...
ಮುಕ ತಿರುಗುಸ್ಕಂಡ್ ಇದ್ಕಿದ್ದಂಗೆ ಮರ್ಯಾದವ್ಳು
ಅವತ್ತಿಂದ್ ಇವತ್ತಿಂದ್ವರ್ಗು ಒಂದಿಟನು
ಮುಕಾಮಕಿ ಆಗ್ಲಿಲ್ವಲ್ಲ ಯಾಕೆ ಕನ...?!?

--ಮಯಾಸ

ಮಳಿ

ಮೋಡುದ್ ಮರೆಲಿ
ಅವುಚ್ಕಂಡಿದ್
ಆವಿಯಂತ್ ಪಿರೂತಿ

ಗುಡ್ಗು ಸಿಡ್ಲಾಗಿ
ನನ್ನೆದಿಗೆ
ಬಡುದ್ ಕೂಡ್ಲೆ
ಬರ ಬಡ್ದಿದ್
ಮನ್ಸೊಳಿಕೆ
ಮಳಿ ಬಿದ್ದಂಗಾತು ಕಣೆ..!

---ಮಯಾಸ

ಉಗ್ರಲೋಗದ್ಕೆ- ಕ್ವಡ್ಲಿ ಯತ್ಕಬ್ಯಾಡಿ

ಕಾಲಿಗ ಕಾರೆಮುಳ್
ಚುಚ್ಚಿರೆ
ಚುಚ್ಚಿದ್ ಮುಳ್
ಕಿತ್ ಬಿಸಾಕ್ಬುಡದೆ ವಾಸಿ ಅಲ್ಲೆನ...?

ಕಾಲಿದ್ರೆ ಮುಳ್ ಚುಚ್ಚುತ್ತೆ
ಅಂತ್ ಅನ್ಕಂಡು
ಕಾಲ್ ಕಟ್ ಮಾಡಿ ಬಿಸಾಕ್ತಿವೆನಾ
ಮುಳ್ಳಿಗೆ ಕಾಲಲ್ ವದ್ಯಕಾತ್ತದೆನಾ..?

ರಕ್ತ ಹೀರ್ಕಂಡ್ ಜಿಗ್ಣೆ ರಕ್ತವ
ವಾಪಸ್ ಹೀರ್ಕಳಕ್ ಆತದೆನಾ
ಕಚ್ಚಿದ್ ಜಿಗ್ಣೆ ಕಿತ್ಯಸ್ದು
ಬೂದಿ ತಿಕ್ಕಂಡ್ ಸುಮ್ಕಾಗ್ದೆ ಬೇರ್ದಾರಿಲ್ಲ ಕನ..!

ಬೆಳ್ಸುತ್ತ ಹಳ ಬೆಳ್ದಾಗ
ಬೆಳೆ ಕಿತ್ಬಿಸಾಕಲ್ಲ ಕನ

ಹಳ ತೆಗ್ದಾಕಿ
ಬೆಳಿ ಉಳುಸ್ಕತೀವಲ್ವೆನಾ..?

ಇದ್ಕೆ ಅಂತ್ಕಾಣುತ್ತೆ ಕನ
ಹಿರಿಕ್ರೇಳ್ತಿದ್ದಿದ್ದು
ಉಗ್ರಲೋಗದ್ಕೆ-
ಕ್ವಡ್ಲಿ ಯತ್ಕಬ್ಯಾಡಿ ಅಂತಲ್ವೆನಾ...?

--ಮಯಾಸ

ಕಲುಕುನಕ್ಕಿ

ಗದ್ದೆ-ತ್ವಾಟ-ಹ್ವಲ್ದಲ್
ಬೆಳ್ದ್ ಬೆಳಿಗ್ 
ರೋಗ ಬರ್ದಂಗ್ ತಡ್ಯಕ್ಕೆ
ಔಸ್ದಿ ಹ್ವಡ್ಯವಿ ಅಲ್ವೆನಾ...?

ಬೆಳ್ದ್ ಬೆಳಿನ ದನ-ಕರು
ಹಾಳ್ ಮಾಡ್ದಂಗ್ ಯುರ್ಲಿ ಅಂತನೆ
ಬೇಲಿ ಹಾಕವಲ್ದೆ ..ಬೇಲಿನು ಮುರ್ಕ ಬಂದ್ರೆ
ದೊಡ್ಡಿಗ್ ಹ್ವಡ್ದು ಬಿಡವಿ ಅಲ್ಲೆನಾ..?

ಕಲುಕ್ನಕ್ಕಿ ಕತಿ ಗೊತ್ತಲ್ವೆನ
ಕೊಕ್ಕಾಕಿ ತಿಳಿನೀರ್ ಕುಡುದ್ ಮ್ಯಾಕು
ಸುಮ್ಮುಕ್ ಹೋಗ್ತಿರ್ಲಿಲ್ಲ -ಹೋಗೋ ಮುಂಚ್ಗೆ
ತಿಳಿ ನೀರ್ನು ಬೊಗ್ಡ ಮಾಡೋಗದು ಕನ...!

ಹಿಕ್ಮತ್ ಮಾಡೋರ್ಗೆ-ಮಸ್ಲತ್ ಮಾಡಾರ್ಗೆ
ಔರಳ್ಳಿ ಆಟ ಆಡರ್ಗೆ-ನಸುಗುನ್ನಿ ತರ ನುಣುಚ್ಗೊಳ್ಳೋರ್ಗೆ
ಕಲುಕುನಕ್ಕಿತರ ಬೊಗ್ಡ ಮಾಡೋರ್ಗೂ
ಬದ್ಕೆ ಪಾಟ ಕಲ್ಸುತ್ತೆ ಅಲ್ವೆನಾ...?!?

--ಮಯಾಸ

ಬಳ್ಕಿಗ್ ಬತ್ತದೆ ಅಂತ ಜೇನ್ಮಾಡಿಟ್ಕತ್ತವೆ ಕನ..!

ಕಾಡಲ್ ಸಿಗ್ತಿದ್ ಜೇನು
ತಿನ್ನಕ್ ಯೋಟ್ ಸ್ವಗ್ಸಾಗಿರದಲ್ವೆನಾ..?
ಜುಂಯ್ ಜುಂಯ್ ಗುಡೋ ಜೇನ್ ಗೂಡ್ನ
ನೋಡಕ್ ಯೋಟ್ ಪಸಂದಾಗಿರದಲ್ವೆನಾ...?

ತರಾವರಿ ಹೂವಿನ್ ಮಕ್ರಂದ ಹೀರ್ಕಂಡು
ಮರುದ್ ರಂಬೆಮ್ಯಾಲೋ-ಪೊಟ್ರೆ ಮ್ಯಾಲೋ
ಯಣುಸಕ್ಕಾಗುದಸ್ಟ್ ಜೇನುಳ ಗುಂಪ್ ಸೇರ್ಕಂಡು
ಮಕ್ರಂದುದ್ ನೀರ್ ತೆಗ್ದಾಕಿ ಜೇನ್ ಮಾಡ ಪರಿ ಚಂದ ಅಲ್ವೆನಾ...?

ಹೂವ್ ಜತೆ ಮುದ್ದಾಡಿ ಮಕ್ರಂದ ಹೀರ್ಕಬಂದ್ರೆ
ಅದ್ರಲಿದ್ ನೀರ್ ತೆಗಿದಿದ್ರೆ ಜೇನ್ ಹುಳಾಯ್ತದೆ ಕನ
ಮಕ್ರಂದ ವಟ್ಮಾಡಿ ಅದ್ರುಸುತ್ತ ಗೂಡ್ ಕಟ್ಟಿ
ಬಿರ್ಸಾಗ್ ರೆಕ್ಕೆ ಬಡ್ದು ಬಡ್ದು ನೀರ್ತೆಗ್ದಾಕ್ತವೆ ಕನ...!

ಸಕ್ರಿಗಿಂತ್ಲೂ ಸೀಯಾಗಿರೋ ಜೇನ್ನ
ಜೇನುಳ ಯಾಕ್ ಮಾಡಿಟ್ಕತ್ತವೆ ಗ್ವತ್ತೆನಾ..?
ಹಸ್ವು ನೀಗ್ಸಕ್ಕೆ ಯೋನು ಸಿಗ್ದಿದ್ದಾಗ
ಬಳ್ಕಿಗ್ ಬತ್ತದೆ ಅಂತ ಜೇನ್ಮಾಡಿಟ್ಕತ್ತವೆ ಕನ..!

ವಂದೇ ತರುದ್ ಹೂವಿನ್ ಮಕ್ರಂದುದ್ ಜೇನ್ಗೆ
ಕೋಲ್ ಜೇನು ಅನ್ನವಿ
ತರಾವರಿ ಹೂವಿನ್ ಮಕ್ರಂದುದ್ ಜೇನ್ಗೆ
ಹಾಲ್ ಜೇನು ಅನ್ನವಿ ಅಲ್ವೆನಾ....!

ಜೇನ್ ಕೀಳಕ್ಕೆ ಯೋಟ್ ಕಸ್ರತ್ ಮಾಡವಲ್ವೆನಾ
ಕಂಬ್ಳಿ ಹ್ವತ್ಕಂಡ್ ಜೇನ್ ಬಡ್ಡಿಗ್ ಹ್ವಾಗವಿ
ದಗ್ದಗ್ನೆ ಬೆಂಕಿ ಹಾಕಿ ಜೇನುಳ ವೋಡ್ಸವಿ
ಜೇನ್ಕಚ್ಚಕ್ ಬಂದ್ರೆ ಕಂಬ್ಳಿ ಹೊದ್ಕಂಡ್ ಮಕಾಡೆ ಮಂಕಳವಿ...!

ಜೇನುಳ ಅವುಕ್ಕಾಗ್ ಮಾಡ್ಕಂಡ್ ಜೇನ್ನ
ನಾವ್ ಕಿತ್ಕಬಂದು ತಿನ್ಕಂದ್ ಖುಷಿಪಡವಿ
ಹಿರ್ಕಂಡು-ಕಿತ್ಕಂಡು ತಿನ್ನೋರ್ಕಂಡಾಗ್ಲೆಲ್ಲ
ಜೇನುಳ ವೋಡ್ಸಿ ಜೇನ್ ಕಿತ್ಕ ಬರ್ತಿದ್ದಿದ್ದೆ ನೆನ್ಪಾಯ್ತದೆ ಕನ....!!!

---ಮಯಾಸ

ಪುರ್ಪುರ್ನೆ...

ಯರುಚ್ಲು ಹ್ವಡ್ದಂಗೆ
ರಪ್ಪುನೆ
ರಾಚ್ಕಂಡ್ ಪಿರೂತಿ
ಸುಂಟ್ರುಗಾಳಿಗ್
ಸಿಕ್ಕಿದ್

ತರ್ಗೆಲೆಯಂಗೆ
ಪುರ್ಪುರ್ನೆ
ಹಾರೋಗ್ಬುಡ್ತು ಕನ..!

--ಮಯಾಸ

ಚಿಲ್ಪಿಲಿ ಸದ್ದು

ಮೊದ್ಮೊದ್ಲು ಗುಟ್ಟಾಗಿ
ನಿನ್ ಪಿರೂತಿ ಮಾಡ್ವಾಗ್ಲೆಲ್ಲ
ನನ್ ಯದಿವಳ್ಗೆ
ಹಕ್ಕಿ ಚಿಲ್ಪಿಲಿಗುಟ್ಟಂಗಾಗದು
ಗುಟ್ಟಿನ್ ಪಿರೂತಿ
ರಟ್ಟಾಗತಂಕನೂ
ಚಿಲ್ಪಿಲಿ ಸದ್ದು
ಗಪ್ಚುಪ್ಪಾಗ್ ಕ್ಯೊಳದು ಕನೆ...!

--ಮಯಾಸ

ಡೀಗ್ ಮಾಡಿ ಕುಳಿ ತುಂಬವಿ...!

ದೇಹ ದಂಡ್ಸಿ..
ಬುದ್ದಿಗ್ ಕೆಲ್ಸ ಕ್ವಟ್ಟು
ಮನ್ಸಿಗ್ ಕುಸಿ ಕ್ವಡ್ತಿದ್
ಗೋಲಿ ಆಟ ಮಾತ್ರುವ
ಮರ್ಯಾಕಕ್ಕುಲ್ಲ ಅಲ್ವೆನಾ..?

ಗೋಡ ಅಂತ್ ಕೂಕಂದು
ಕುಳಿ ಹತ್ರುಕ್ ಗೋಲಿ ಬುಟ್ಟು
ಕುಳಿಗ್ ಹತ್ರುದ್ ಗೋಲಿಯೋರ್
ಆಟ ಮುಂದ್ವರ್ಸವಿ-
ಕುಳಿ ದೂರುದ್ ಗೋಲಿಗೆ ಗುರಿ ಹಿಡ್ಯವಿ..!

ಗುರಿಗ್ ಸಿಕ್ಕಿದ್ ಗೋಲಿ
ಯಗ್ರಿ ಬಿದ್ದಲ್ಲಿಂದ ಯತ್ಕಂದ್ ಬರಂಗಿರ್ಲಿಲ್ಲ
ಮುಸ್ಟಿ ಕಟ್ಕಂಡ್ - ಮುಸ್ಟಿ ತುದಿಂದ
ಗೋಲಿನ ಗುಳಿ ಕಡಿಕೆ ಮೂರ್ಸಲ್ದೊಳ್ಗೆ
ಡೀಗ್ ಮಾಡಿ ಕುಳಿ ತುಂಬವಿ...!

ಜನ್ಕಮ್ಮಿ 

ಇದ್ದಾಗ್
ಹಿಂಗಾಡವಿ.......!

ಗ್ವಾಡೆ ಬದೀಲೋ..ಗ್ಯೆರೆ ಅಡೆಲೋ
ಮೂರ್ ಗುಂಡಿ ತ್ವಾಡ್ಕಂಡ್
ಹಿಂತಮುಂತ ಆಡ್ವಾಗ
ಹಿಂದೇನು ಮುಂದೇನಂತ
ಗ್ವತ್ತೇ ಇರ್ಲಿಲ್ಲ ಅಲ್ವೆನಾ...?

ಸಣ್ ಗುಂಡಿ ವಳಿಕೆ
ಸಣ್ ಸಣ್ ಗೋಲಿ ಯಸಿವಾಗ
ಸಣ್ ತನ ಬುಟ್ರೆ
ಬ್ಯಾರ್ಯಂತದು ಇರ್ಲಿಲ್ವಾದ್ರು
ಗುರಿ ಹ್ಯೆಂಗ್ ಹಿಡ್ಯವಲ್ವೆನಾ...?

ಡಾಮಗೋಲಿ-ನೀರ್ಗೋಲಿ
ಹಾಲ್ ಗೋಲಿ-ಬಣ್ಣುದ್ಗೋಲಿ
ಡಬ್ಬಿಲಾಕಂಡ್ ಗಲ್ಗುಡುಸ್ಕಂಡ್
ಗೋಲಿ ಆಡಕ್ ಜನ ಗುಡ್ಡೆ ಹಾಕವಿ
ಗೆದ್ ಗೋಲಿ ಯಣುಸ್ವಾಗ ಯೋಟ್ ಕುಸಾಗದಲ್ವೆನಾ..?

ಕಣ್ಣಿಂದ ಗುರಿ ಮಾಡ್ಕಂಡ್
ನ್ಯೆಲುದ್ ಮ್ಯಾಲಿನ್ ಗೋಲಿಗೆ
ಪಳಾರ್ ಅನ್ಸಿರೆ ಅಂಡ ಅನ್ನವಿ
ನ್ಯೆಲುದ್ ಮ್ಯಾಲಿಂದ್ಲೆ ಗೋಲಿ ತೂರಾಕಿ
ಬಿದ್ ಗೋಲಿ ಎಗ್ರುಸಿರೆಬದ್ದು ಅನ್ನವಿ

ಕುಕ್ರುಕಾಲಲ್ ಕುಕ್ರು ಬಡ್ಕಂಡ್
ಮಂಡಿ ಮ್ಯಾಲ್ ಹ್ಯಬ್ಬೆರ್ಳ್ ಮಡಿಕಂಡ್
ತೋರ್ಬೆರ್ಳೋ-ಮದ್ಯುದ್ ಬೆರ್ಳಿಂದ್ಲೋ
ದೂರುದ್ ಗೋಲಿಗೆ ಗುರಿಯಿಟ್ ಹೊಡುದ್ರೆ
ಗೋಲಿ ಆಟ ಗರಮಾಗಿರದಲ್ವೆನಾ..?

--ಮಯಾಸ

ಕಲಿ ತೆಗ್ಯಕಕ್ಕುಲ್ಲ ಕನ

ಕ್ಯೆರೆ ಬದೀಲಿ..ಕವ್ಲಿ ಅಕ್ಪಕ್ಕ
ಗದ್ದೆ ಬದೀನ್ಮ್ಯಾಲೆ-ಮರುದ್ಬುಡ್ದಲ್ಲಿ
ಬಾರೆಮ್ಯಾಲೆ-ಹಿತ್ಲಲ್ಲಿ
ಹರುಡ್ಕಂಡ್ ಬೆಳ್ಯೋ ಕೆಸ
ಕೆಸ್ರುಸೊಪ್ಪಿನ್ ಸಾರು ಸಖತ್ತಾಗಿರದಲ್ವೆನಾ...?

ಕೆಸ್ದಲ್ ತರಾವರಿ ಕೆಸ ಅದಾವೆ ಕನ
ನೀರ್ಕೆಸ- ಹಾಲ್ಗೆಸ-ಕೆಂಪ್ಕೆಸ
ಕೆಸಿನ್ಯೆಲೆ-ಗೆಂಡೆ-ದಂಟು ಮೂರು ಬಳ್ಸವಲ್ವೆನ
ಕೆಸಿನ್ಯೆಲೆ ಗಂಟ್ಮಾಡಿ ದಂಟ್ ಮುರ್ದಾಕಿ
ಮಾಡಿಟ್ ಸಾರು ಕುದ್ಸಿ ಕುದ್ಸಿ ತಿನ್ನವಿ ಕನ..!

ಕೆಸಿನ್ದಂಟಲ್ಲಿ ಕಡ್ಬು ಮಾಡರು ಕನ
ಆ-ಕಡ್ಬಿಗೆ ಕೆಸಿನ್ಗೆಂಡೆ ಪಲ್ಯ
ನೆಂಚ್ಕಂಡ್ ತಿಂದ್ರೆ ಸ್ವಗ್ಸಾಗಿರಾದ್ಕನ
ಹುಳಿ ಸರ್ಯಾಗ್ ಸುರಿದಿದ್ರೆ
ಕೆಲ್ವು ಕೆಸ ಗಂಟ್ಲು ನಾಲ್ಗೆಲಿ ಕರ್ತ ತರ್ಸೋವ್ಕನ..!

ತಿನ್ನಕು-ನೋಡಕು ಚಂದ-ಅಂದ ಕನ
ಕೆಸಿನ್ಯೆಲಿಗೆ ಯೋನು ಅಂಟಕ್ಕುಲ್ಲ ಕನ
ಅದ್ರು ಮ್ಯಾಕೆ ಇಬ್ನಿನೋ-ನೀರ್ ಹನಿನೋ ಬಿದ್ರೆ
ದುಂಡುಕ್ ಹರ್ದಾಡಿ ಮಾಯ್ವಾಗೋಗುತ್ತೆ ಕನ
ಕೆಸುದ್ಯೆಲೆ ಮ್ಯಾಲಿನ್ ನೀರ್ ಹಂಗೆ ಅಂತೊಂದ್ ಗಾದಿ ಮಾತೈತಿ ಕನ..!

ಕೆಸಿನ್ಯೆಲೆ ವರ್ಸಿ ಕುಯ್ವಾಗ
ಕೆಸಿನ್ದಂಟಿನ್ ನಾರ್ ತೆಗಿವಾಗ
ಬಟ್ಟಿಗೇನಾರು ಅದ್ರು ಗಸಿ ತಾಕಿರೆ
ಯೋನ್ ಮಾಡಿರು ಅದ್ರು

ಕಲಿ ತೆಗ್ಯಕಕ್ಕುಲ್ಲ ಕನ
ಅದ್ಕೆ ಅಂಟುಸ್ಕೊಳ್ಳೋ ಮುಂಚೆ ಜಾಗ್ರುತೆ ವಯ್ಸೋದ್ ಮುಖ್ಯ ಕನ...!!!

----ಮಯಾಸ

ಯಂಡ್ ಕೋಲಿನಾಟಲ್ಲ ಕನ

ವಂದಡಿ ದಾಂಡ್ ಹ್ಯಿಡ್ಕಂಡ್
ಯಂಡ್ಕಡೆ ಚೂಪ್ಮಾಡಿದ್ ಗಿಲ್ಲಿ ಇಟ್ಕಂಡ್
ರಡೇ..ವನ್ ಟೂ ತ್ರೀ ಅನ್ನದೇ ತಡ
ಬೀಸ್ ಅಂದ್ಕೂಡ್ಲೆ ಬೀಸಿರೆ ಚಿನ್ನದಾಂಡ್ ಆಟ ಅಲ್ವೆನಾ..?

ಚೂಪಾದ್ ಗಿಲ್ಲಿ ಮುಂದ್ಕೆ
ದಾಂಡ್ ಕುಟ್ಟಿ...ಗಿಲ್ಲಿ ಎಗ್ರಿದ್ಕೂಡ್ಲೆ
ಗಾಳಿಲ್ ಮೂರ್ಸಲ ತಾಕ್ಸಿ ಗಿಲ್ಲಿ ಅನ್ನವಿ
ಗಿಲ್ಲಿ ಎತ್ ಬೀಸ್ವಡ್ಯವಿ-ಆಟುಳ್ಕಳದಲ್ವೆನಾ...
ಚಿನ್ನಿದಾಂಡ್ ಆಟುದ್ ಮಜಾನೆ ಮಜ ಅಲ್ವೆನಾ..?

ಇಸಾಲ್ವದ್ ಬಾರೆಮ್ಯಾಗೆ
ಆಟುದ್ ಮೈದ್ವಾನದಾಗ್
ಮನಿ ಮುಂದಿನ್ ಅಂಗ್ಳುದಾಗ
ಚಿನ್ನಿ-ದಾಂಡ್ ಇಟ್ಕಂಡು
ಯೋಟ್ ಚಂದುಕ್ಕಾಡವಲ್ವೆನಾ..?

ಚಿನ್ನಿದಾಂಡಂದ್ರೆ

ಯಂಡ್ ಕೋಲಿನಾಟಲ್ಲ ಕನ
ಚಿನ್ನಿತೂರಕ್ಕೆ ತೋಳಿನ್ ಶಕ್ತಿ ಬಳ್ಸವಿ
ಚಿನ್ನಿ ಯತ್ಬೇಕಾರೆ ನಾಜೂಕಾಗಿರವಿ
ಹದ್ಕಣ್ ಬುಟ್ಟೋರ್ ತಪ್ಸಿ ಅಟಾಡವಿ
ಚಿನ್ನಿದಾಂಡ್ ಆಟಂದ್ರೆ ದೌಡೋಡಗವಿ ಅಲ್ವೆನಾ..?

---ಮಯಾಸ

ದೇವ್ರ್ಯಾವ್ದು? ದಯ್ಯಾವ್ದು...?

ತ್ವಾಟುದ್ ಕಾಡೊಳ್ಗೊಂದ್ ಕರ್ರನೆ ಕಲ್ಲಿತ್ತು
ಅಮ್ವಾಸಿ-ಹುಣ್ಮಿ ಬಂತಂದ್ರ
ಅಜ್ಜಿ ಬೈಯ್ಯೋದು ಆ ಕಲ್ಕಡಿ ಸುಳಿಬ್ಯಾಡ್ರಂತ
ಅದ್ಯಾಕೋ ಕಾಣೆ ಬೈದ್ಕೂಡ್ಲೆ ಮನ್ಸು
ಆ ಕಲ್ಕಡಿಕೆ ಯಳಿಯ್ಯೋದ್ಕನ...!

ಕರಿಕಲ್ಲಿನ್ ಪಕ್ಕುದಲ್ಲೊಂದ್
ತುಕ್ಕಿಡುದ್ ರಾಡು ನ್ಯಟ್ಟಿತ್ತು
ಅದ್ರು ತುದೀಲ್ ಮೂರ್ ಚೂಪಿದ್ವು
ಅಜ್ಜಿ ಕಣ್ತಪ್ಸಿ ಅಕ್ಕಡಿಕೋದಾಗ್ಲೆಲ್ಲ
ತುದಿಮುರ್ದ್ ಮೂರ್ ಬಾಳೆಹಣ್ ಸಿಗಾವು...!

ಹುಟ್ದಾಗಿಂದ್ ಅಜ್ಜಿ ಹೂವ ಮುಡ್ದಿದ್
ನೋಡಿಲುದ್ ನನ್ಗೆ, ಕಲ್ಮ್ಯಾಲೆ-ರಾಡ್ಮ್ಯಾಲೆ
ಬಾಡಿದ್ ಹೂ ಬಳ್ಕಾಡದ್ ಕಾಣ್ಸದು
ಅಜ್ಜಿ ಹೂ ಮುಡ್ಕಳ್ದೆ ಇಲ್ಯಾಕ್ ನ್ಯಾತಾಕುತ್ತೆ ಅನ್ಸದು
ಕ್ಯೋಳಿರೆ ಶ್..! ಹಂಕ್ಯೋಳ್ಬಾರ್ದು ಕಲ್ದೇವ್ರು ಶಾಪಕೊಡುತ್ತನ್ನದು..!

ಹ್ಯೋಳಲ್ಲ ಅಂತ್ ಗೊತ್ತಾದ್ಮ್ಯಾಕೆ ಸುಮ್ಕಾಗ್ಬುಟ್ರು
ವರ್ಸುಕ್ಕೊಂದ್ಸಲ ಅದೇ ಕಲ್ದೇವ್ರತ್ರುಕ್ ಕರ್ಕೋಗರು
ಕೈಕಾಲ್ ತ್ವಕ್ಕಂದ್ ದೂಪಹಾಕ್ಕ ಅನ್ನರ್ಕನ
ವರ್ಷಿಡಿ ಅಗ್ಳುದಲ್ ಆಡ್ಕಂಡಿದ್ ಕ್ವಾಳಿಕೂದ್
ಊರ್ಮಂದಿ ಕರ್ದು ಅಲ್ಲೇ ಉಣ್ಣಕ್ಕಾಕರು ಕನ...!

ತ್ವಾಟ್ದಲ್ ಯಾರಾರು-ಏನಾರು ಕದ್ಕೋದ್ರೆ ಸುರಚ್ಕಳ್ಳದು
ದಯ್ಯುದ್ ಬನ್ಕೆ ಕೈಮುಕ್ಕಂಡ್ ಬಂದೀವ್ನಿ
ಕದ್ದೋರ್ ಕೈಗೆ ಹಾವ್ಕಚ್ಚ..ಬರ್ಬಾರುದ್ ಬರ
ಅಂತ ಊರ್ಗೆಲ್ಲ ಕ್ಯೋಳಂಗ್ ಶಾಪ ಹಾಕದು
ದಯ್ಯುದ್ ಬನ್ಯಾವ್ದು? ಅಂತ್ಕೋಳ್ರೆ ಅದೇ ಕಲ್ದೇವ್ರು ತೋರ್ಸದು...!

ಥೋ..ತಲಿ ಚಿಟ್ ಹಿಡ್ಯದು ದೇವ್ರ್ಯಾವ್ದು? ದಯ್ಯಾವ್ದು...?

ಕರಿಕಲ್ಲು ದ್ಯಾವ್ರಿರ್ಬೇಕು-ಮೂರ್ಚೂಪಿನ್ ರಾಡು ದಯ್ಯಿರ್ಬೆಕು
ಅಂತನ್ಕಂಡೆ ಸುಮ್ಕಾಗ್ಬುಟ್ಟಿದ್ದೆ ಕನ..!
ಹತ್ವರ್ಸುದಿಂದ ಕಲ್ಗೂ-ರಾಡ್ಗು ಹೂವ್ಕಂಡಿರ್ಲಿಲ್ಲ
ಅಜ್ಜಿ ಇಲ್ಲುದ್ ತ್ವಾಟ್ದಲ್ಲಿ ಕದ್ ಮರಕಡಿತರಂತ ಕೂಪ್ಕೊಟ್ಟೆ ಕನ..!

ಮೂರಾಳ್ ತಬ್ಬಿದ್ರು ಅಳ್ತಿಗ್ ಸಿಗುದ್ಮರ ಹ್ವರಕಾಯ್ತದೆನಾ...?
ಆನಿಗ್ ಚೇನಾಕಿ ಮರಯಳ್ವಾಗ ಕರ್ಕಲ್ಲು-ರಾಡು ಕಾಣ್ದಂಗಾಗವೆ ಕನ..!
ಮೊನ್ನಿ ಪುರ್ಸೊತ್ ಮಾಡ್ಕಂಡು ನೋಡ್ಬರುಮ ಅಂತ್ ತ್ವಾಟುಕೋಗ್ಬಂದೆ
ಅಜ್ಜಿ ಇಲ್ಲುದ್ ಕಾಡಲ್ಲಿ ಮರೂ ಇಲ್ಲ, ಕಲ್ಲು ಇಲ್ಲ, ರಾಡು ಇಲ್ಲ ಕನ
ಮರ್ಗಿಡ್ವೆ ಇಲ್ಲುದ್ ಕಾಡ್ಗೆ ದಯ್ಯಾಕೆ ದ್ಯಾವ್ರ್ಯಾಕೆ ಅಂತ್ ಸಮ್ದಾನ ಮಾಡ್ಕಂಡೆ ಕನ...!!

---ಮಯಾಸ