ಕ್ವಟ್ಟಂಗೆ-ಇಸ್ಕಂಡಂಗೆ

ನೀ-
ಕೊಟ್ಟಂಗ್
ಮಾಡಿದ್
ಪಿರೂತಿನ
ನಾ-
ಇಸ್ಖಂಡಂಗ್ಮಾಡಿ
ತೆಪ್ಮಾಡ್ಮುಟ್ಟೆ ಕಣ್ಗಿ..!

ನೀ-
ವಾಪಸ್ ಕ್ಯೋಳ್ರೆ
ನಾ-
ಹೆಂಗ್ ಕೊಟ್ಟಂಗ್ಮಾಡ್ಲೆ
ಮಾರಾಗಿತ್ತಿ..?
ತಿರ್ಗಾ... ತಿರ್ಗಾ
ಯೋಟ್ ಯೋಚ್ಸಿರುವೆ
ತಿಳಿವಲ್ದು ಕಣ್ಗಿ...!

--ಮಯಾಸ

ವರ್ಷ್ಕೊಂದಿನ್ಮಾತ್ರಲ್ಲ ಕನ

ಕೆಸ್ರುಗದ್ದೆಲ್ ನಾಟಿ ಮಾಡೋರ್ಗೆ
ತ್ವಾಟ್ದಲ್ ಅಗ್ತೆ ಮಾಡೋರ್ಗೆ
ಹಳಹ್ವಡ್ಯೋರ್ಗೆ-ಕಾಡ್ಕೊಚ್ಚೋರ್ಗೆ-

ಕಟ್ಟುಡ-ಬಂಗ್ಲೆ-ಮಾಲ್ ಕಟ್ಟಕೆ
ಬಾಂಡ್ಲಿಲಿ ಸಿಮೆಂಟ್ ಹ್ವತ್ಕಡೋರ್ಗೆ
ಇಟ್ಗೆ ಕಬ್ಣ ಯತ್ಕೋಡೋರ್ಗೆ -

ಸಂಡಾಸ್ಗುಂಡಿ ಕಿಲೀನ್ ಮಾಡಾರ್ಗೆ
ಚರಂಡಿನೋ...ರಸ್ತೆನೋ ಗುಡ್ಸೋರ್ಗೆ
ಮೈಬಗ್ಸಿ ಕೈಕಸ್ಬು ಮಾಡೋರ್ಗೆ-

ಅಂದುದ್ ಮನಿಗೆ ಚಂದುಕ್ ಬಣ್ಣ ಬಳ್ಯೋರ್ಗೆ
ಬಿಸ್ಲಲ್ ಬೆವುತ್ಕಂಡ್ ದುಡ್ಮೆ ಮಾಡೋರ್ಗೆ
ಕಾರ್ಕಾನೆ ಹ್ವಗೆ ಪೈಪಲ್ ವದ್ದಾಡೋರ್ಗೆ-

ಹ್ವತಿನ್ ಅನ್ನುಕ್ಕಾಗಿ ಮ್ವೂಟೆ ಹ್ವರೋರ್ಗೆ
ಜೀವ್ನುಕ್ಕಾಗ್ ಜೀತ ಮಾಡಾರ್ಗೆ
ಬಣ್ಣುದ್ ಬದ್ಕು ಕಂಡು ಬೆಪ್ಪರಬೆರ್ಗಾಗೋರ್ಗೆ-

ವಾರಾನ್ ಯೋಳ್ ದಿನಾನೂ
ವರ್ಷಾನ್ ಹನ್ನೆಲ್ಡ್ ತಿಂಗ್ಳೂ
ದಿನುದ್ ಇಪ್ಪತ್ನಾಕ್ ಗಂಟ್ಯೆನೂ-

ಮೈಗಂಟಿದ್ ಬೆವ್ರು-ಬಟ್ಗಂಟಿದ್ ಕಲಿ
ದೇಹ್ಕು-ಮನ್ಸ್ಗೂಆದ್ ನೋವ್ನ
ಮಂಗೋಕ್ ಮುಂಚ್ಗೆ ತೊಕ್ಕಂದ್ ಮಂಕಳ್ಳೋರ್ಗೆ-

ವರ್ಷ್ಕೊಂದಿನ್ಮಾತ್ರಲ್ಲ ಕನ
ಪ್ರತೀ ಕ್ಷಣ್ವೂ ಹೋಳಿ ಹಬ್ವೇ ಅಲ್ವೆನಾ..?!?

--ಮಯಾಸ

ಸೋತೋರ್ಗೆ-ಬಿದ್ದೋರ್ಗೆ ಬಸ್ರಿಮರ ಮಾದ್ರಿ

ಮರುಕ್ಕೆ ಬೇರು...ಬೇರಿಗೆ ಮರ
ಮರಕ್ಕೆ ಬಳ್ಳಿ...ಬಳ್ಳಿಗೆ ಚಿಗ್ರು
ಯೋಟೊಂದ್ ಮುಖ್ಯ ಅಲ್ವೆನಾ...?

ಬೇರು ಕಾಣ್ಸಕಿಲ್ವಾದ್ರು ಮಜಂತಂದ್ರೆ
ಬೇರ್ ಅಲ್ಗಾಡಿರೆ ಮರುಳ್ಯಕಿಲ್ಲ ಕನ
ಬೇರಿಲ್ಲುದ್ ಮರ ಯಾವ್ದೂ ಇಲ್ಲ ಅಲ್ವೆನಾ..?

ಬಳ್ಳಿಗೆ ಹಬ್ಬಕ್ಕೆ ಮರ್ಬೇಕೆ ಬೇಕಾದ್ರುವೆ-
ಕೆಲ್ವು ಮರ್ಕೆ ಬಳ್ಳಿಂದ್ ಯೋಟ್ ಉಪ್ಯೋಗ ಗೊತ್ತೆನ
ಬಳ್ಳಿ ವದ್ದೆ ಹೀರ್ಕಂಡ್ ಕೆಲ್ವು ಮರ ಬದುಕ್ತವೆ ಕನ..!

ಬಳ್ಳಿಗಳಿದ್ ಮರ್ಕೆ ಕೀಟಕ್ರಿಮಿ ಸುಲುಬುಕ್ ಹತ್ತಲ್ಲಲ್ವೆನ.-
ಬೇರ್ ಕಳುಚ್ಕಂಡ್ ಮರ ಮತ್ತುಟ್ಟೋದ್ ಅಪ್ರೂಪಕನ
ಬಳ್ಳಿ ಜತಿಗೆ ಮರ್ಬಿದ್ದೋದ್ರು ಬೇರಿಂದ ಮತ್ಬಳ್ಳಿ ಚಿಗ್ರುತ್ತೆ ಕನ..!

ಮರ್ಕಿಂತ ಮರ್ದೊಡ್ಡವಿರ್ತಾವ್ಕನ
ಬೇರ್ಗಿಂತ ಬೇರ್ ಗಟ್ಟಿ ಇರ್ತವಂತಲ್ವೆನಾ
ಚಿಗ್ರೋಕ್ ಸುರಾದ್ರೆ ಬಳ್ಳಿ..ತಡ್ಯಾಕಾತದೆನಾ..???

ಬಸ್ರಿ ಮರುದ್ ಕಥಿ ಗೊತ್ತೆನ...
ಬಸ್ರಿ ಮರ್ಮಾತ್ರ ಬಿದ್ರೂ ಬುಡ್ದಿಂದ ಮತ್ಚಿಗ್ರುತ್ತೆ ಕನ..
ಸೋತೋರ್ಗೆ-ಬಿದ್ದೋರ್ಗೆ ಬಸ್ರಿಮರ ಮಾದ್ರಿ ಅಲ್ವೆನಾ...?!?

--ಮಯಾಸ

ಅಪ್ಪಚ್ಚಿ ಆಗೋಗ್ಬುಟ್ವಲ್ವೆನಾ..?!?

ಕಿಂಯ್ ..ಕಿಂಯ್..ಕಿಂಯ್ಗುಡೋ
ಗುಬ್ಬಚ್ಚಿ ಸುಳ್ವಿಲ್ಲ-ಸಬ್ದಿಲ್ಲ
ಕಟ್ಟೋ ಮನಿಗೆ ಸೂರಿರಕಿಲ್ಲ
ಗುಬ್ಬಚ್ಚಿ ಗೂಡೆಲ್ಲಿಂದ ಬಂದಾವಲ್ವೆನ..???

ಗೊಡ್ಕಟ್ಟಕೆ ಹುಲ್ಕಡ್ಡಿ ಬೇಕಲ್ವೆನಾ
ಕಂತಿ ಹುಲ್ ಕೊಳ್ಳಾಕಾತದೆನಾ..??
ಹಿತ್ಲಿಲ್ದಂಗೆ-ಅಂಗ್ಳಿಲ್ದಂಗೆ ಇರೋರ್ ನಡ್ವೆ
ಹುಲ್ಕೊಡ್ಬೇ ಇದ್ರೆ ತಾನೆ -ಹುಲ್ಕಡ್ಡಿ ಅಲ್ವೆನಾ...??

ಮಸಾಣ್-ಮಸಾಣ್ನೆ ಇಲ್ದಂಗ್ಮಾಡಿ
ಸತ್ತೋರ್ನ ಕರೆಂಟಲ್ಸುಟ್
ಬೂದಿ ಮಾಡ ಕಾಲ್ದಲ್ಲಿ
ಗುಬ್ಬಚ್ಚಿ-ಗುಬ್ಬಚ್ಚಿಗೂಡ್ಗೆ ಉಳ್ಗಾಲೆಲ್ಲಿಂದ್ಬಂತೋ..?

ನೋಡ್ತ್ ನೋಡ್ತನೇ
ಸಾಗುರ್ದಂಡಿಲಿ ಅಲ್ಬಂದೋದಂಗೆ
ಗುಬ್ಬಚ್ಚಿನು ಅದ್ರು ಗೂಡುವೆ
ಅಪ್ಪಚ್ಚಿ ಆಗೋಗ್ಬುಟ್ವಲ್ವೆನಾ..?!?

--ಮಯಾಸ

ನುಂಕಂಡೆ..!

ಉಂಡೆಕಟ್ಟಿದ್
ಮುದ್ದೆ ಉಂಡೆನ
ಗುಳುಂನೆ
ನುಂಕಂಡಂಗೆ
ನಂಬ್ಕೆಲಿದ್ ನೀ-
ಕೊಟ್ ನೋವ್ನು
ಗುಳುಕ್ಕಂತ್
ನುಂಕಂಡೆ..!
-ಮಯಾಸ

ಮಗ್ಲು ಬದ್ಲಾಯ್ಸಂಗೆ...

ಕತ್ಲೋದ್ ಮ್ಯಾಲ್ 
ಬರೋ ಬೆಳ್ಕಂಗೆ-
ಕಷ್ಟೋಗಿ ಸುಖ 
ಅನ್ನೋದ್ ಬರಂಗಿದ್ದಿದ್ರೆ...

ಯೋಟ್ ಪಸಂದಾಗಿರದು ಅಲ್ವೆನಾ...?

ಸೂರ್ಯ ಹೋದ್ಕೂಡ್ಲೆ
ಚಂದ್ರ ಬರಂಗೆ-
ಅಳೋದ್ ನಿಲ್ಸೋಕೆ
ನಗು ಬರಂಗಿದ್ದಿದ್ರೆ...

ಯಂತ ಚಲೋ ಇರೋದಲ್ವೆನಾ...?

ಮಳ್ಗಾಲ..ಚಳ್ಗಾಲ..
ಬೇಸ್ಗೆಕಾಲ-
ವರ್ಷಾನ್ವರ್ಷ
ಮಗ್ಲು ಬದ್ಲಾಯ್ಸಂಗೆ...

ಬದ್ಕಲ್ಲೂ ಬ್ಯೋಕನ್ಸಿದ್ ಬರಂಗಿರ್ಬೇಕಿತಲ್ಲೆನಾ..?

-ಮಯಾಸ

ಹೊಸ್ಕಣ್ ಜತಿಯಾಗವೆ

ಯೋಳ್ ಸುತ್ 
ಹ್ವಡಿಲಿಲ್ಲಂದ್ರು
ನೆನ್ನಿಗ್ ಯೋಳ್ 
ವರ್ಷಾದ್ವು ಕನ..!

ಸುತ್ ಹ್ವಡ್ಸಕ್ಕೆ 
ನಮ್ಮಿಬ್ರ ಬುಟ್ರೆ
ಮತ್ಯಾರೊಬ್ರಾದ್ರು
ಇದ್ರೆತಾನೆ ಅಲ್ವೆನಾ..?

ಯೋಳ್ ಬೀಳ್
ಕಾಣ್ ಕಾಣ್ತನೆ
ಯಂಡ್ ಜ್ವತಿ
ಹೊಸ್ಕಣ್ ಜತಿಯಾಗವೆ

ಚುಕ್ಕಿಯಂಗ್
ಕಂಡವು
ಮಿಂಚಾಗ್
ಹೊಳಿತಿವೆ...ಅಲ್ವೆನಾ..?

--ಮಯಾಸ

ತಡ್ರಾತ್ರಿಲಿ..!

ದಗ್ಗುನೆ ಉರ್ದೋದಂಗಾತು 
ಯದೆ- 
ದಿಗ್ಗನೆ ಯದ್ ಕುಂತ್ಕಂದೆ 
ತಡ್ರಾತ್ರಿಲಿ..!

ನಾ ಸತ್ಬಿದ್ದಂಗೆ ಕನುಸ್
ಬಿದ್ಕೂಡ್ನೆ-
ವಿಲುವಿಲ್ನೆ ವದ್ಧಾಡ್ತಿತ್ ಕನ
ಪುಕ್ಕುಲ್ ಮನ್ಸು ಕನ್ಸಂತ್ ತಿಳೀದೆ...!
---ಮಯಾಸ

ಇನಾಮಿನೇಟ್ ಆಗ್ಬುಟ್ಲು...!

ಅವ್ಳಾಕಿದ್
ನಾಮ್ನೇಷನ್ನಾ
ನಾನೇ ಅನ್ಮೋದ್ಸಿದ್ದೆ..!

ಬಿ ಪಾಮು ನಾನೇ ಕ್ವಟ್ಟಿದ್ದೆ...!

ಸ್ಕೂಟ್ನಿನೂ ನಾನೇ ಮಾಡ್ಬುಟ್ಟೆ
ಒಬ್ಳೇಒಬ್ಳ್ ನಿಂತ್ಕಂಡಿದ್ಲು
ಎದ್ರುಪದ್ರುಯಾರು ಇರ್ಲಿಲ್ಲ..!

ಇನಾಮಿನೇಟ್ ಆಗ್ಬುಟ್ಲು...!

ಒಂದ್ ಹೂನಾರ ತೆಗ್ದು
ಅವ್ಳ್ ಕುತ್ಗಿಗ್ ನೇತಾಕ್ ಬುಟ್ಟೆ
ಇದ್ದೊಂದ್ ಹಾರನೇ ಬದ್ಲಾಯ್ಸ್ ಕಂಡ್ವಿ...!

ಬದ್ಕುಕಟ್ಕಂಡ್ವಿ..ಬಾಳ್ತಾ ಇದೀವಿ..!!!

--ಮಯಾಸ

ಕೆಂಡ್ದಲ್ ಸುಟ್ಕಂಡ್..ಅರ್ಯಂಗ್-ತಿರ್ಗಂಗಿಲ್ಲ

ಉಫ್... ಉಫ್... ಅಂತ
ಕ್ವಳ್ಪೆ ತಗಂಡ್ ಉರ್ಗಂಗಿಲ್ಲ
ಉರ್ದೋದ್ ಕೊಳ್ಳಿ ತಗಂಡ್
ಮುಂದುಕ್ ದೂಡಂಗಿಲ್ಲ...
ಗ್ಯಾಸಿನ್ವಲಿಲಿ ದಿಗ್ಗನೆ ಬೆಂಕ್ಬರುತ್ತೆ ಕನ...!

ಅಕ್ಕಿನು ನೀರ್ನೂ ವಟ್ಗೆ ಹೂದ್
ಗ್ಯಾಸಿನ್ವಲೆ ಮ್ಯಾಲೆ ಕುಕ್ಕರ್ ಇಟ್ರಾತು
ಚಿಬ್ಲಾಕಿ ಗಂಜಿಕೂನಿಲಿ ಗಂಜೀ ಬಸ್ಯಂಗಿಲ್ಲ
ಯಂಡೇಯಂಡ್ ಸಿಳ್ ಹಾಕೋದ್ರ್ವಳ್ಗೆ
ಅನ್ನಾತದೆ...ಗಂಜಿ ಇಂಗೋಗಿರ್ತದೆ ಕನ...!

ಗಂಟ್ಕಟ್ಲೆ ಕುಕ್ರುಬಡ್ಕಂಡು...ಪರ್ದಾಡ್ಕಂಡು
ಮೆಣ್ಶಿಕಾಯ್ನು-ಈರುಳ್ಳಿನು, ಬೆಳ್ಳುಳ್ಳಿ-ತೆಂಗಿನ್ಕಾಯ್ನು
ಕೆಂಡ್ದಲ್ ಸುಟ್ಕಂಡ್..ಅರ್ಯಂಗ್-ತಿರ್ಗಂಗಿಲ್ಲ
ಮಸಾಲಿಗ ಬ್ಯೋಕಾದ್ನ ವಟ್ಗೆ ಹೊಂದುಸ್ಕಂಡ್
ಮಿಕ್ಷಿಗಾಕ್ ಕರೆಂಟ್ ಓಡ್ಸಿರಾತ್ ಕಾರಾದಂಗೆ ಕನ..!

ಆಗ್ನಂಗ್ ಈಗೆಲ್ಲ ಕೇರ ಮರ್ದಲ್ ಕೇರಂಗಿಲ್ಲ
ತೂತುದ್ ಜಲ್ಡಿ ರೋಂಡ್ ಹ್ವಡುಸ್ಕಂಡ್ ಜಲ್ಸಂಗಿಲ್ಕನ
ಅಕ್ ಆದ್ರೂ,ರಾಗಿ-ಗೋದ್ ಆದ್ರು ಸೈ
ಮಿಲ್ಗೆ ಯತ್ಕಂಡ್ ಹ್ವಾದ್ರಾತು ಅದ್ರಷ್ಟುಕ್ಕದೆ
ಸೋಸಿ..ಜಲ್ಸಿ..ಹಿಟ್ಮಾಡ್ ಕ್ವಡುತ್ತೆ..ದ್ವಾಸ್ಗು ಇಡ್ಲಿಗೂ ರುಬ್ಕೊಡುತ್ತೆ..!

ತೆಂಗಿನ್ಕಾಯಿ ತುರ್ಕೊಡಕ್ಕೂ ಮಿಷಿನ್ ಬಂದಾವೆ
ವಕ್ರುಪಕ್ರಾಗಿ ತರ್ಕಾರಿ ಹಚ್ಚಕ್ಕೂ ಕಂಡಿಡ್ಕಂಡವ್ರೆ
ಬೆತ್ತುದ್ ಕೋಲಲ್ಲಿ ಬಾಸುಂಡೆ ಬರಂಗ್ ಪೆಟ್ತಿಂದ್ಕಂಡ್
ಉರೊಡ್ಕಂಡ್ ಓದ್ಕಂಡ್-ಅಳ್ಸಿಬರ್ದು ಕಲ್ಯಂಗಿಲ್ಲ
ಓದಾದ್ ಬರ್ಯೋದ್ನು ಹ್ಯೋಳ್ಕೊಡಕ್ಕೆ ಸಿಡಿ-ಡಿವಿಡಿ ಬಂದವೆ..!

--ಮಯಾಸ

Tag PhotoAdd Location

ಮನ್ಸೊಳ್ಗೆ ಮೂಡ್ಬುಟೈತಿ

ಹರ್ಯೋ ನೀರ್ಲಿ
ಗುಮ್ಮನ ಗುಸ್ಕುನಂಗಿರೋ
ಸುಳಿಯಂಗೆ..!

ಮಳ್ಬರಕ್ಕು ಮುಂಚ್ಕೆ
ಮೋಡುದ್ ಮರೀಲಿ
ಅವುಚ್ಕಂಡ್ ಆವಿಯಂಗೆ...!

ಮೆದ್ಲು ಹಾಲ್ಟಿನ್ ನಡ್ವೆ
ಅವಾಗವಾಗ ಪಿಸ್ಗುಡೋ
ಮನ್ಸಿನಂಗೆ...!

ಬೂತಾಯಿ ಪಾತಾಳ್ದಲ್ಲಿ
ಸದ್ಮಾಡ್ದಂಗಿರೋ
ಅಂತ್ರು ಜಲ್ದಂಗೆ...!

ಕಟ್ಗೆ ಉರ್ದೋದ್ ಮ್ಯಾಕ
ಕೆಂಡ ಆರೋಗ್ವಾಗ ಬರುತಲ್ಲ
ಆ-ಹ್ವಗಿಯಂಗೆ..!

ಆಕಳ್ಕೆಯಂಗೆ
ನಿಟ್ಟುಸ್ರಂಗೆ
ಜಡಿಜಡಿ ಮಳ್ಯಂಗೆ.....!

ಪುಟಾಣಿ ಪಿರೂತಿ
ಕಾಮುನ್ಬಿಲ್ ಮೂಡ್ದಂಗೆ
ನನ್ ಮನ್ಸೊಳ್ಗೆ ಮೂಡ್ಬುಟೈತಿ ಕನ....!?!

-ಮಯಾಸ

ಪದೀಪದೀ

ನಿನ್ ಕಂಡು
ಮಾತಾಡ್ದಾಗ್ನಿಂದ
ಮನುಸ್ಯಾಕೋ
ಅಲ್ಲೋಲ ಕಲ್ಲೋಲವಾಗೈತಿ..!

ನಿನ್ ವಾರ್ನೋಟ
ಮರ್ಯೋಕಾತಿಲ್ಲ
ನಿನ್ ದನಿ
ಕಿವ್ಯಾಗ ಗುಂಯ್ ಗುಡ್ತೈತಿ...!

ಮತ್ ಮತ್ ಮಾತಾಡ್ಬೇಕು
ಪದೀಪದೀ ನೋಡ್ಬೇಕು
ಅಂತನ್ಸೋಕ್ ಸುರಾಗೈತಲ್ಲ ಮಾರಾಗಿತ್ತಿ
ನಂಗೇನಾರು ನಿನ್ ಮ್ಯಾಲ ಪಿರೂತಿ ಸುರಾಗೈತೇನು...??
-ಮಯಾಸ

ಚಿಕ್ಳುಗುಳ್ಳೆ

ಆಕಳ್ಸಿ-ಆಕಳ್ಸಿ
ಬಾಯ್ ನೊಯ್ತಿತ್ ಕನ..!

ಈಟೊಂದ್ ಆಕಳ್ಕೆ
ಬತ್ತಾವಲ್ಲ ಅನ್ಕಂಡ್ರೆ..?

ನಾನ್ ಜಡಿಮಳ್ಯಂಗ್ ಕಾಡುದ್ನಂತೆ
ಅದ್ಕವ್ಳ್ ಗ್ಯಾಪುಸ್ಕಂಡವ್ಳೆ..!

ಅಂತ್ಗೊತ್ತಾದ್ ಮ್ಯಾಕೆ
ನಂಗ್ ಚಿಕ್ಳುಗುಳ್ಳೆ ಇಟ್ಟಂಗಾತು...!
--ಮಯಾಸ