ಮನುಷತ್ವೆ ಇಲ್ದಿರೋ ಮನುಜಕುಲ್ದೋರು

ವಣ್ಗಿದ್ ವಂದೇವಂದ್
ರೊಟ್ಟಿ ಮುರುಕ್ ಕ್ವಟ್ಟೋರು
ಜೀತುಕ್ ಮಡಿಕಂಡ್
ಬೆವುರ್ ಹನಿ ಬಸ್ದು ಕೊಂಡವ್ರು...!

ಚಿಳ್ಳಲ್ಲಿ ಕೂರ್ಸಿ
ಚಿಪ್ಪಲ್ ಕಾಪಿಕ್ವಟ್ಟೋರು
ಊರ್ ಕ್ಯೆರೆ-ಭಾವಿ
ನೀರ್ಕಿತ್ಕಂಡೋರು...!

ಯದೆ ಸೀಳಿರ್ ನಾಕಕ್ಷರಿಲ್ಲಂತ
ಬೈಕಂದ್ ತಿರುಗ್ದೋರು
ಹೆಬ್ಬಟ್ ವತ್ತುಸ್ಕಂಡ್
ಅಂಗೈಯಗುಲುದ್ ಜಾಗನು ದೋಚ್ದೋರು..!

ನಾಕ್ ಮಳುದ್ ಪಂಜೆನು
ಮಡ್ಚಿ ಕಟ್ಟಕ್ ಬುಡ್ದೋರು
ಪಸಂದಾಗೊಂದ್
ಬಟ್ಟಿ ತೊಡಕ್ ಬರಾಕಿಲ್ಲಂತ ಹೀಯಾಳ್ಸೋರು..!

ವರ್ಸುಕ್ಕೊಂದ್ ಸುಗ್ಗಿಗೆ
ಕೆತ್ತೋಕರ್ದು-ಸಾರ್ಸೋಕರ್ದು
ಸುಗ್ಗಿ ನಡ್ವಾಗ ದಾರಕಟ್ಕಂಡ್
ದಾರುದಾಚಿಕ್ ನಿಲ್ಲುಸ್ದೋರು..!

ಕೊಟ್ಗಿ ತೆಗ್ಯಕ್ಕೆ-ಅಂಗ್ಳ ಸಾರ್ಸಕ್ಕೆ
ಹೊಲ್ಗದ್ದೆಲಿ ಕೇಮಿಗ್ಮಡಿಕಂಡೋರು
ಮನುಸ್ ಕೊಳುಕ್ಮಾಡ್ಕಂಡ್ ಮಡಿಯಾಗಿದ್ಕಂಡ್

ಮೈಲ್ಗೆ ಮಾಡ್ಕಂಡ್ ಮಾರ್ದೂರ್ದಲ್ಲೆ ನಿಲ್ಸ್ ಮಾತಾಡ್ಸೋರು..!

ಸ್ವಾಬ್ಮಾನ ಕಲುತ್ಕಳ್ಲಿಲ್ಲ-ಸ್ವಾವ್ಲಂಬಿಗಳಾಗ್ಲಿಲ್ಲ
ಅಂತ್ಯೆಲ್ಲ ವೇದಾಂತ ಹ್ಯೋಳೋರು
ಚಪ್ಲಿ ಸಿಗುಸ್ಕಂಡ್ ನಡುದ್ರೆ ಸಯುಸ್ದೆ ಹ್ವಾದರು
ದಾವಾದೋರ್ಗೆನೀರ್ಕುಡ್ಯಕ್ಕೆ ಸೂರಲ್ ಸಿಲ್ವರ್ ಲೋಟ ಇಟ್ಟೋರು..!

ಮಡಿವಂತ್ರು ಸಿರಿವಂತ್ರು ಆಗ್ ಮೆರ್ದೋರು
ಮೈಬಗ್ಸಿ ದೊಡ್ಯೋರ್ನ ಕಡ್ಯಾಗ್ ಕಂಡೋರು
ಊರೊಳ್ಗಿಂದ ಹೊರ್ಗಿಟ್ಟು ಕೇರಿ ಮಾಡ್ದೋರು
ಮನುಷತ್ವೆ ಇಲ್ದಿರೋ ಮನುಜಕುಲ್ದೋರು ಅಲ್ವೆನಾ..?!?

--ಮಯಾಸ

Tag PhotoA