ಯೋಟ್ ಅಡ್ವಿದ್ರೂ ನೆರೆ ಹೊರೇರ್ ನೆಚ್ನಡ್ಯೋರು..!

ಅಯ್ಯಾ ಯೋಟ್ ಸಲೀಸು ಅಂತೀರಿ
ಎಂತದ್ ಬೆಳ್ಯದೂ ಹೂವೆತ್ತಿಟ್ಟಂಗಿರದು
ಕಾಸ್ ಇಸ್ಕಳ್ದಂಗೆ ಕೇಮೆ ಮಾಡ್ಕೊಡಾರು
ಎಲ್ರೂ ಮನಿ ಕೇಮೆಗೆ ಎಲ್ರೂ ಮುಯ್ಯಾಳೆ..!

ಎತ್ತಿರೋನು ಎತ್ ಮುಯ್ಯಾಳು

ಉಳೋಕ್ ಬರೋರ್ ಉತ್ಕೊಡಾರು
ಹೊರೆ ಹೊರಾರು ಹೊತ್ಕೊಡಾರು
ಬರೋ ಕೇಮೆನೆ ದಿನೂದ್ ಲೆಕ್ದಲ್ಲಿ ಮಾಡ್ಕೊಡಾರು..!

ಹೆಚ್ಬೂಮಿ ಇತ್ತೋ ಗುತ್ಗೆಕೊಡಾರು
ಬೂಮ್ನನ್ದೆ ಯೋನಾರ ಬೆಳ್ಕೋ-ಬೆಳ್ಬಂದ್ಮೇಕೆ
ಬಂದುದ್ರಲ್ ಇಟ್ಕಂಡ್ ವಸಿ ಕೊಡನ್ನರು
ಬೆಳಿ ಕೈಕೊಟ್ರ ಮುಂದಿನ್ವರ್ಷ ಸೇರ್ಸ್ ಕೊಡನ್ನರು..!

ಒಬ್ರುನೊಬ್ರೂ ಯೋಟ್ ನಂಬರಲ್ವೇನಾ...???
ನಿನ್ಮನಿ ಬದ್ಕಿಗೆ ಜತಿಗ್ ನಾ ಇರ್ತೀನನ್ನೋರು
ಇಲ್ದೋರ್ಬಗ್ಗೆ ಕೈನೀಡ್ ಕೊಡಾರು
ಯೋಟ್ ಅಡ್ವಿದ್ರೂ ನೆರೆ ಹೊರೇರ್ ನೆಚ್ನಡ್ಯೋರು..!

ಬೆಳ್ದ್ ಬೆಳೆಯ ಹಂಚ್ಕಂಡ್ ತಿನ್ನಾರು
ಬೆಳಿಗ್ಬೆಳೇನೆ ಬದ್ಲಾಯ್ಸಕೊಳ್ಳಾರು
ಈಗೆಲ್ವೂ ಬದ್ಲಾಗೈತೆ ಮನುಷ್ರ ಮನುಷ್ರೇ ನಂಬಾಕಿಲ್ಲ
ಮನ್ಸ್ ಮನ್ಸೇ ಚೆಟ್ಟೋಗೆವೆ ಅಲ್ವೆನಾ...?!?
-ಮಯಾಸ