'ಜೆಕೆ ಜೋಕಾಲಿ ನರ್ಕೆ ಮನೆ': ಏಣಿ

Thursday 4 April, 2013

ಏಣಿ

ಹ್ವತ್ಕಂದೋಗೋ ಲಿಪ್ಟು ಕಂಡಾಗ್ಲೆಲ್ಲ
ಹತ್ಕಂದೋತಿದ್ ಏಣಿ ನೆನ್ಫಾತದೆ ಕನ

ಮನಿ ಅಂತಿದ್ಮ್ಯಾಕ
ಅಟ್ಟ ಅಂತಿದ್ದೇ ಇರದಲ್ವೆನಾ..?

ಅಟ್ಟ ಅಂತಿದ್ಮ್ಯಾಕ
ಏಣಿಯಂತೊಂದಿರದಲ್ವೆನಾ..??

ಮನಿ ಮ್ಯಾಕೊಂದ್ ಮನಿ
ಕಟ್ಟೋಕ್ ಸುರಾದ್ಮ್ಯಾಕ-

ಅಟ್ಟ ಅನ್ನದೇ ಹೊಂಟೋತಲ್ವೆನ
ಅಟ್ಟೋದ್ಮ್ಯಾಕೆ ಏಣ್ಯೆಲಿರ್ತಾವಲ್ವೆನ..?

--ಮಯಾಸ

2 comments:

ಚುಕ್ಕಿಚಿತ್ತಾರ8 April 2013 at 3:07 pm
ಕವಿತೆಗಳೆಲ್ಲಾ ಸುಂದರವಾಗಿವೆ.
''ವರ್ಷ್ಕೊಂದಿನ್ಮಾತ್ರಲ್ಲ ಕನ'' ಅನ್ನುವ ಕವಿತೆ ಆಪ್ತವಾಗಿದೆ..
thanks
ReplyDelete
Replies
Unknown8 April 2013 at 5:29 pm
ಥ್ಯಾಂಕ್ಯೂ ಮೆಮ್
ReplyDelete
Replies

Add comment

ನಂಗೆ ಎಂಡ್ ಹೆಸ್ರು. ಮನೆಲಿ ಮಹೇಶ ಅಂತ್ ಕರೆಯೋರು. ಇಸ್ಕೂಲಲ್ಲಿ ಜ್ಞಾನೇಂದ್ರ ಕುಮಾರ್ ಪಿ.ಬಿ. ಅಂತ ಕರ್ಯೋರು. ಪಿ.ಬಿ. ಒಂದ್ ದಶಕದ ಕೆಳ್ಗೆ ನಾನೇ ಪ.ಬ ಮಾಡ್ಕಂಡೆ. ಮೂರ್ ದಶಕದ ಕೆಳ್ಗೆ ನನ್ ವಾರಗೆಯವರು ಸರಿಯಾಗಿ ಉಚ್ಚಾರ ಮಾಡಕ್ಕಾಗದೆ....ನನ್ನುನ್ನ ಮಯಾಸ ಅಂತ ಕರ್ಯೋರು....ಹಂಗಾಗಿ ಮಯಾಸ ಹೆಸರಲ್ಲಿ ಏನಾರ ಬರೆದ್ರೆ ಅದುನ್ನ ಮಡಗಕ್ಕೆ ಒಂದ್ ಕಣಜಬೇಕಲ್ಲ ಅದ್ಕೆ ಈ ಜೋಕಾಲಿ ಕಣಜ. ಬುದ್ವಂತ್ರು ಓದೋ ಚನಾಗಿರೋದ್ನಓದ್ತೀನಿ. ವ್ಯಾಕರಣ ಪಾಕರಣ ಗೊತ್ತಿಲ್ಲ ತೋಚಿದನ್ನ ಗೀಚಾಕೋ ಛಾಳಿ ಇದೆ. ಗುಂಪಲ್ಲಿ ಪಸಂದಾಗ್ ಹಾಡ್ತೀನಿ ರಾಗ ವಸಿ ದೊಡ್ದು. ಸುಮಾರಿಕೆ ಬಡಿಯಕ್ಕೆ ಬರುತ್ತೆ. ನನ್ನೂರು ಹಾಸನ ಜಿಲ್ಲೆಯ ಸಕಲೇಶಪುರ ತಾಲ್ಲೂಕಿನ ಹೆತ್ತೂರು ಹೋಬಳಿಯ 'ಪಟ್ಲ' ಹಳ್ಳಿಲುಟ್ಟಿರು ಪ್ಯಾಟೆಲೆ ಬೆಳದಿರೋದು. ಸದ್ಯಕ್ಕೆ ಕೆಟ್ಟು ಬೆಂಗಳೂರ್ ಪಟ್ಣ ಸೇರೀವ್ನಿ. ಅಮಾಯಕನೂ ಮುಗ್ಧನೂ ಆದ ನನಗೆ ನಿಮ್ಮಂತ ನಾಕ್ ಜನ ಸಿಕ್ಕವ್ರೆ. ಸುಳ್ಳೇಳಿರೂ ಗೊತ್ತಾಗದ ಹೆಂಡತಿ ಜೊತೆಗವ್ಳೆ. ಈಗ್ ತಾನೆ ಪಿಳಿಪಿಳಿ ಕಣ್ ಬಿಡ್ತಾ ಇರೋ ಎಂಡ್ ಮಕ್ಕಳಿವೆ. ಮರೆತ ಹುಡ್ಗೀರ್ ಹೆಸರು ಒಂದು ನೆನಪಿಲ್ಲ. - ಮಯಾಸ