'ಜೆಕೆ ಜೋಕಾಲಿ ನರ್ಕೆ ಮನೆ': ಬಂದೋಗೋ

Monday 1 April, 2013

ಬಂದೋಗೋ

ಗುಡ್ಗು ಸಿಡ್ಲು ಜತ್ಗೆ
ಬರ್ರಂತ್

ಬಂದೋಗೋ
ಮಳ್ಯಂಗಾರು
ಹಿಂಗ್ಬಂದ್ ಹಂಗೋಗ್ಬಾರ್ದಾ...?
ಮುನುಸ್ಕಂಡ್ ಇರೋಳು
ಮುಂದ್ಬಂದ್ ನಿಂತ್ಕಂಡ್
ಮಿಂಚಂಗ್ ನಕ್ಕು
ಗುಡ್ಗಾಗ್ ಗುರ್ಗುಟ್ಟಿ
ಮರ್ಯಾಗ್ಬಾರ್ದೆನಾ..?

-ಮಯಾಸ
>>>>>>>>>>>>>>>

ದೋ ಅಂತ್ ಮಳ್ಬಂದ್ ಹ್ವಾದ್ಮೆಲೆ
ಪೇಪರ್ ದೋಣಿ ಮಾಡ್ಕಂಡ್
ತೇಲಿ ಬುಡ್ತಿದ್ ಮಾಲುಗಣ್ಣಿನ ಹೆಣ್ಣು

ಸುರ್ಯೋ ಮಳೆನೂ ಎಣುಸ್ದೆ
ದೌಡೋಗಿ ಆಲಿಕಲ್ ಹೆರ್ಕಾಬಂದ್ ಕೊಡ್ತಿದ್
ಹರ್ಳುರ್ದಂಗ್ ಮಾತಾಡ್ತಿದ್ ಆ-ಹುಡ್ಗಿ

ಸಿಡ್ಲು ಗುಡ್ಗು ಬಡ್ದಾಗೆಲ್ಲ
ದವ್ಣಿಲಿ ಮರೆ ಮಾಡ್ತಿದ್
ಮರೆಯಲಾಗದ ಹುಡ್ಗಿ

ಮಳ್ಬಂದು ನಿಂತೋದ್ ಮ್ಯಾಲೆ
ಬೋ ಕಾಡಕ್ಕತ್ತವ್ಳೆ ಕನ...!

--ಮಯಾಸ

No comments:

Post a Comment

Subscribe to: Post Comments (Atom)

ನಂಗೆ ಎಂಡ್ ಹೆಸ್ರು. ಮನೆಲಿ ಮಹೇಶ ಅಂತ್ ಕರೆಯೋರು. ಇಸ್ಕೂಲಲ್ಲಿ ಜ್ಞಾನೇಂದ್ರ ಕುಮಾರ್ ಪಿ.ಬಿ. ಅಂತ ಕರ್ಯೋರು. ಪಿ.ಬಿ. ಒಂದ್ ದಶಕದ ಕೆಳ್ಗೆ ನಾನೇ ಪ.ಬ ಮಾಡ್ಕಂಡೆ. ಮೂರ್ ದಶಕದ ಕೆಳ್ಗೆ ನನ್ ವಾರಗೆಯವರು ಸರಿಯಾಗಿ ಉಚ್ಚಾರ ಮಾಡಕ್ಕಾಗದೆ....ನನ್ನುನ್ನ ಮಯಾಸ ಅಂತ ಕರ್ಯೋರು....ಹಂಗಾಗಿ ಮಯಾಸ ಹೆಸರಲ್ಲಿ ಏನಾರ ಬರೆದ್ರೆ ಅದುನ್ನ ಮಡಗಕ್ಕೆ ಒಂದ್ ಕಣಜಬೇಕಲ್ಲ ಅದ್ಕೆ ಈ ಜೋಕಾಲಿ ಕಣಜ. ಬುದ್ವಂತ್ರು ಓದೋ ಚನಾಗಿರೋದ್ನಓದ್ತೀನಿ. ವ್ಯಾಕರಣ ಪಾಕರಣ ಗೊತ್ತಿಲ್ಲ ತೋಚಿದನ್ನ ಗೀಚಾಕೋ ಛಾಳಿ ಇದೆ. ಗುಂಪಲ್ಲಿ ಪಸಂದಾಗ್ ಹಾಡ್ತೀನಿ ರಾಗ ವಸಿ ದೊಡ್ದು. ಸುಮಾರಿಕೆ ಬಡಿಯಕ್ಕೆ ಬರುತ್ತೆ. ನನ್ನೂರು ಹಾಸನ ಜಿಲ್ಲೆಯ ಸಕಲೇಶಪುರ ತಾಲ್ಲೂಕಿನ ಹೆತ್ತೂರು ಹೋಬಳಿಯ 'ಪಟ್ಲ' ಹಳ್ಳಿಲುಟ್ಟಿರು ಪ್ಯಾಟೆಲೆ ಬೆಳದಿರೋದು. ಸದ್ಯಕ್ಕೆ ಕೆಟ್ಟು ಬೆಂಗಳೂರ್ ಪಟ್ಣ ಸೇರೀವ್ನಿ. ಅಮಾಯಕನೂ ಮುಗ್ಧನೂ ಆದ ನನಗೆ ನಿಮ್ಮಂತ ನಾಕ್ ಜನ ಸಿಕ್ಕವ್ರೆ. ಸುಳ್ಳೇಳಿರೂ ಗೊತ್ತಾಗದ ಹೆಂಡತಿ ಜೊತೆಗವ್ಳೆ. ಈಗ್ ತಾನೆ ಪಿಳಿಪಿಳಿ ಕಣ್ ಬಿಡ್ತಾ ಇರೋ ಎಂಡ್ ಮಕ್ಕಳಿವೆ. ಮರೆತ ಹುಡ್ಗೀರ್ ಹೆಸರು ಒಂದು ನೆನಪಿಲ್ಲ. - ಮಯಾಸ