ನೀರ್ಬರೋ ಕಣ್ನಾಗ್ ರಕ್ತ್ ಚುಮ್ತದೆ...!
ಯಬ್ಬಾ... ಯಬ್ಬಾ... ಯಬ್ಬಾ...
ಯೋಟ್ ಗಟ್ಮುಟ್ಟಾಗವೆ ಯಂತಿರಿ..?
ಆಲ್ದ್ ಮರುದ್ ಬೇರ್ ಬಿಟ್ಟಂಗ್ ಬಿಟ್ಯಾವೆ
ಕಿತ್ತೋದ್ ನೆನ್ಪ್ಗಳು..!
ಮಗ್ಲೇ ಬದ್ಲಾಯ್ಸಾಕಿಲ್ಲಂತವೆ
ಬರ್ಸಿಡ್ಲು ಹೊಡ್ದಂಗೆ-
ಇದ್ಕಿಂದಂಗ್ ರಪ್ಪಂತ್ ಹ್ವಳ್ತಾವೆ..!
ಯವ್ವಿ..ಯವ್ವಿ..ಯವ್ವಿ...
ಮರುಕ್ ಹತ್ತಿದ್ ಬೀಳ್ ಕಿತ್ತಾಕ್ಕ್ಬೋದ್..!
ಮನ್ಸಿಗ್ ಅಂಟಿದ್ ನೆನ್ಪು ಕೀಳಾಕಾಕುಲ್ಲ
ಬೆನ್ಗೆ ಅಂಟಿದ್ ಬ್ಯಾತಾಳ್ದಂಗ್ ಕಾಡ್ತದೆ..!
ಮರ್ಯಕ್ಕೂ ಅಕ್ಕುಲ್ಲ
ನೆನ್ಪಾದ್ರೆ ನೋವಾತ್ತದೆ
ಕಳ್ಕಂಡದ್ ಹುಡ್ಕಂಡ್ ಹೊಂಟ್ರೆ
ಜಲ್ ಬತ್ತೋದ್ ಬಾವಿಲ್ ನೀರ್ ಕಂಡಂಗಾತದೆ..!!
ನೀರ್ಬರೋ ಕಣ್ನಾಗ್
ರಕ್ತ್ ಚುಮ್ತದೆ...!
ಗುಂಡ್ಕಲ್ಲಂಗಿದ್
ಗುಂಡ್ಗೆ ಬಡ್ತ್ ಅಡುಗ್ತದೆ ಕನ...!!!
-ಮಯಾಸ
No comments:
Post a Comment